Ukrayna ORDUSU CƏBHƏNİ YARDI, inanılmaz İRƏLİLƏYİŞ var

Rusiyanın Kursk vilayətində Ukrayna Silahlı Qüvvələri mexanikləşdirilmiş hücumlarının yeni dalğasına başlayıb və Sudjanın cənub-şərqinə doğru cəbhəni yararaq irəliləyib.

ABŞ Müharibə Araşdırmaları İnstitutunun (ISW) yeni hesabatında belə deyilir. “Ukrayna qüvvələri 38K-028 Sudja-Oboyan magistral yolu boyunca Maxnovkanın cənub-qərbində və Çerkasskaya Konopelkanın şimal və şərqində mövqelər tutaraq Kolmakov və Fanaseyevkanı ələ keçirib”, - məlumatda deyilir.

Amerikalı analitiklər Ukrayna qüvvələrinin təxminən bir batalyon olduğunu və 5 km irəlilədiyini qeyd edirlər. Həmçinin bildirilir ki, Rusiya hərbi müxbirləri Ukrayna Silahlı Qüvvələrinin 30-50 zirehli texnikadan istifadə edərək hücum etdiyini deyirlər.

ISW qeyd edib ki, Rusiya Ukrayna Silahlı Qüvvələrinin irəliləməsindən narahatdır, çünki bu, Sudjanın cənubundakı rus qruplaşmasının arxa cəbhəsini təhdid edə və rusların Ukraynanın quru rabitə xətlərini kəsmək imkanlarına mane ola bilər.

Analitiklər qeyd ediblər ki, Ukrayna Silahlı Qüvvələrinin Kursk vilayətində hücum əməliyyatları hazırda davam edir və bu, Ukrayna ilə sərhəddə yerləşən Rusiya bölmələrinə əlavə təzyiq yaradır.

musüsavat.com