Fransa və Britaniya Ukraynaya 30 min hərbçi göndərmək istəyir

Britaniya və Fransa hökumətləri Ukraynaya 30 minə qədər sülhməramlı göndərməyi düşünür.
Yeniavaz.com xəbər verir ki, bu barədə “The Wall Street Journal” Avropa siyasi dairələrindəki mənbələrə istinadən məlumat yayıb.
Bildirilib ki, London və Paris qoşunların yerləşdirilməsini atəşkəs razılaşmasının əldə olunması ilə əlaqələndirirlər.
“Bundan sonra Britaniya və Fransa sülhməramlı qüvvələri təhdidlərdən qorumaq üçün Amerikanın hərbi imkanlarından istifadə etməyi gözləyirlər. Mənbələr bildiriblər ki, artıq Avropada olan hava hücumundan müdafiə sistemləri bu məqsədə xidmət edə bilər.
Təşəbbüsün uğuru ilk növbədə Avropa liderlərinin ABŞ Prezidenti Donald Trampı sülhməramlıların yerləşdirilməsi planını dəstəkləməyə inandıra bilməsindən asılıdır”, - nəşr yazır.
Qeyd edək ki, Fransa Prezidenti Emmanuel Makron fevralın 24-də Vaşinqtona səfər edəcək və Trampla danışıqlar aparacaq. Fevralın 27-də isə Böyük Britaniyanın baş naziri Keir Starmer Amerika lideri ilə görüşə gələcək.