Dövlət Agentliyi Ləkəranda ofis axtarır – Ayda 4 060 manat ödəyəcək

Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin yeni tender müsabiqəsi elan edib.
Yeniavaz.com xəbər verir ki, Agentlik Lənkəran-Astara Regional Məşğulluq filialı üçün ofis sahəsi icarəyə götürmək istəyir.
Dövlət Məşğulluq Agentliyi icarəyə götürmək istədiyi ofisin sahəsi 400 kv. metr olmalıdır və 36 ay üçün icarəyə götürəcəyi ofisə 146 min 160 manat ödəməyi nəzərdə tutub (ehtimal olunan qiymət).
Rəqəmlərdən də göründüyü kimi, Agentlik Lənkəranda icarəyə götürəcəyi 400 kv. metr ofis üçün ayda 4 min 60 manat ödəmək istəyir.
Qeyd edək ki, Lənkəran-Astara Regional Məşğulluq filialı hazırda Lənkəran şəhəri, H.Z.Tağıyev küçəsi 118 ünvanında fəaliyyət göstərir. Filialın müdiri Harəzmşah Rasim Nəsrəddin oğludur.
Onu da bildirək ki, Məşğulluq Agentliyi daha əvvəl də müxtəlif şəxslərdən ofis sahələri icarəyə götürüb.

Məşğulluq Agentliyi yenə ofis icarəyə götürür – Bu dəfə 1,5 milyon manata

Məşğulluq Agentliyi aylıq 31 min manata ofis icarəyə götürür

Nazirlik bu şəxsdən yarım milyona ofis icarəyə götürür