ABŞ alimi Pifaqoru plagiatda ittiham edib – O teorem min il əvvəl də olub

Ratgers Universitetinin amerikalı riyaziyyatçısı Brus Ratner hesab edir ki, Pifaqor məşhur teoremin müəllifi deyil.

AzPost bildirir ki, o, bu barədə tədqiqatını “Journal of Targeting, Measurement and Analysis for Marketing” (Marketinq üçün Hədəfləmə, Ölçmə və Analiz) jurnalında təqdim edib.

Tədqiqatçının sözlərinə görə, Yel Universitetində eramızdan əvvəl 1800-1600-cü illərə aid gildən hazırlanmış Babil lövhəsi var. Cədvəldə Pifaqor teoremindən istifadə nümunəsini təsvir edir. Halbuki, Pifaqor bu gil lövhənin hazırlanmasından 1000 il sonra – eramızdan əvvəl 570-490-cı illərdə doğulub.

Tarixçilər bilirlər ki, Pifaqorun əsərləri dövrümüzə qədər gəlib çatmayıb. Alim hesab edir ki, Pifaqor teoremi düşünə bilməzdi, tələbələri müəllifliyi ona aid ediblər. Bunu faktiki olaraq ona aid olmayan bir çox kəşflərə görə hesablanması da təsdiqləyir.

“Pifaqor teoreminin Pifaqorun anadan olmasından 1000 il əvvəl Babil riyaziyyatçıları tərəfindən kəşf edildiyini və sübut edildiyini mübahisəsiz olaraq göstərən konkret sübutlar var. Daha doğrusu, o, sadəcə olaraq bunu populyarlaşdırdı. Bu da onun elmə olan xidmətlərinə heç bir xələl gətirmir”, – Ratner vurğulayıb.