Azərbaycan özündən 4 dəfə balaca Antalyadan geridə qalır - Səbəb nədir?

Maqazin1 iyun 2025 20:37

"Azərbaycan 2024-cü ildə xaricə 686 milyon 254 min dollarlıq meyvə-tərəvəz ixrac edib. Antalyadan 2024-cü ildə meyvə-tərəvəz ixracının həcmi 891 milyon 564 min dollar olub".

Qaynarinfo xəbər verir ki, bunu iqtisadçı Natiq Cəfərli Azərbaycan və Antalyanın iqtisadi fərqlərini şərh edərkən qeyd edib.
Azərbaycanın 2024-cü ildə turizm gəlirlərinin 1,6 milyard dollar olduğunu bildirən iqtisadçı həmin ildə Antalyanı 17,3 milyon turist ziyarət etdiyini, bölgənin turizm gəlirlərinin isə 17 milyard dollar olduğunu vurğulayıb:
 
 
"Anyalya vilayətinin ərazisi 20.177 km², əhalisi isə 2,8 milyon nəfərdir. Azərbaycanın əhalisi 10,1 milyon, ərazimiz isə 86,6 min km²-dir.
Təbii ki, hər bir müqayisə qüsurludur, Altalya tarixinə, təbiətinə, dənizinə görə turizm mərkəzlərindən biridir, amma cəmi 40 il bundan qabaq həmin təbiət də var idi, həmin dəniz də, həmin tarixi yerlər də - sadəcə, turist yox idi. Deməli, tarixi yerlər, təbiət, dəniz azdır, əsas olan idarəetmə sistemi və biznes mühitidir.
Bizim ərazimiz Antalyadan 4 dəfə böyükdür, amma, meyvə-tərəvəz ixracı Antalyada Azərbaycandan 2024-cü ildə 215 milyon dollar daha çox olub.
Onu da deyim ki, Antalya meyvə-tərəvəz ixracatında 85-90%, turizmində 75-80%-ə yaxın pay kiçik-orta sahibkarlara məxsusdur. Bizdə, Azərbaycanda isə 2024-cü ildə ixracın tən yarısını dövlət sektoru edib".




Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1489