Qaraciyər piylənməsinin qarşısını alan 3 TƏSİRLİ ÜSUL - MÖCÜZƏDİR

Qaraciyər yağlanması dünyada ən çox yayılmış və sürətlə yayılan xroniki qaraciyər xəstəliklərindən biridir.

Musavat.com xəbər verir ki, son illərdə ölkəmizdə və dünyada bu problemin sürətlə artması mühüm ictimai sağlamlıq problemi kimi ortaya çıxır. Normal çəkidə olsanız belə, qaraciyərinizdə yağlanma ola bilər.

Bəs qaraciyər yağlanmasından qorunmaq və ya yağlı qaraciyər xəstəliyindən xilas olmaq üçün nələrə diqqət edilməlidir?

Türkiyəli həkim Suna Yapalı bu nöqtədə 3 mühüm məqama diqqət çəkir:

Sağlam qidalanma

Protein, yağ və karbohidratların balanslaşdırılmış nisbətini təmin edən, tək qidaları məhdudlaşdırmayan və davamlı kilo itkisini təmin edən pəhrizlərə üstünlük verilməlidir. Aşağı glisemik indeksli qidalar, yaşıl tərəvəzlər və yüksək lif tərkibli taxıllar, paxlalılar və təzə meyvələr gündə 1-2 porsiyadan çox olmayaraq istehlak edilməlidir.

Alkoqoldan uzaq durulmalı və bol su içilməlidir. Qaymaq, marqarin, meyvə şirələri və şokolad kimi yağ və şəkəri yüksək olan qidalardan uzaq durmaq lazımdır. Ən çox edilən səhvlər çox qəlyanaltı istehlak etmək və ya həddindən artıq meyvə yeməkdir.

Daimi hərəkət və idman

Daimi idman qaraciyər yağlanmasının qarşısının alınmasında son dərəcə mühüm rol oynayır. Həftədə ən az 3-4 gün 30-45 dəqiqəlik sürətli və nizamlı gəzintilər edilməli, həftədə 2-3 gün əzələ kütləsini və əzələ gücünü artıran məşqlər edilməlidir.

Qaraciyər özünü yeniləmək şansı olan bir orqan olduğundan, sağlam qidalanaraq, nizamlı idman etməklə və ideal çəkiyə çatmaqla sağlam qaraciyərə sahib olmaq mümkündür.

İncə bel çevrəsi

Qaraciyər piylənməsi təkcə artıq çəkili və kök xəstələrdə deyil, normal çəkisi olan insanlarda da baş verə bilən xəstəlikdir.

Xüsusilə daxili orqan piyləri (visseral piylənmə) normal çəkidə olmasına baxmayaraq, genetik meyli olan insanlarda qaraciyər yağlanmasına səbəb ola bilər. Bu səbəbdən “Nə qədər yesəm də kökəlmirəm, genetik quruluşumuzdur, heç vaxt kökəlməmişəm” kimi düşüncələr bu məkrli xəstəliyin irəliləməsinə səbəb ola bilər. Bununla belə, qaraciyər yağlanmasının ən təsirli müalicə üsullarından biri də təsirli arıqlamağa nail olmaq və bel ətrafını normal hədlərə endirməkdir. Sağlam üsullarla arıqlamaq həftədə 0,5-1 kq olmalıdır.