Ermənistanda atışma oldu, xəsarət alanlar var

Ermənistanın Kotaysk vilayətində kütləvi dava və atışma olub.

Bu barədə “Report” yerli mətbuata istinadən xəbər verir.

Məlumata görə, hadisə dünən yerli vaxtla saat 21:30-da qeydə alınıb. Dava zamanı 1 nəfər odlu silahdan açılan atəşlə xəsarət alıb. Yaralı xəstəxanaya yerləşdirilib.

Qeyd edilir ki, qonaq evində baş verən davada daha iki nəfər müxtəlif xəsarətlər alıb.

Hadisənin tərəffüatları açıqlanmır. Araşdırma aparılır.