Məktəb şagirdi QARPIZ OĞURLADI və barəsində CİNAYƏT İŞİ açıldı

Kalmıkiya Respublikasının paytaxtı Elistada məktəb şagirdi İrana məxsus yük maşınından təkbaşına 30 qarpız oğurlayıb.

Lent.az Rusiya KİV-ə istinadla bildirir ki, hadisə gecə saatlarında Komsomolski kəndində baş verib. 16 yaşlı yeniyetmə İrandan 20 ton qarpız daşıyan yük maşınının plombunu qoparıb və 15 qutu, yəni təxminən 30 qarpızı oğurlayıb. O, dörd qutunu təsadüfi yoldan keçənlərə verib, qalanını isə yaxınlıqdakı tarlada gizlədib, onları hissə-hissə götürmək niyyətində olub.

İran vətəndaşı olan yük maşını sürücüsü 38 yaşlı Ağazadə səhər saatlarında oğurluğu aşkar edərək hüquq-mühafizə orqanlarına müraciət edib. Yeniyetmə tez bir zamanda saxlanılıb və cinayət işi açılıb.