TEHRAN MERİ : İsrail İrana qarşı CADU və CİNLƏR-dən də istifadə edib..."

12 iyul 2025 12:40

İsraillə 12 günlük müharibə başa çatdıqdan sonra İranda yeni müzakirə dalğası başlayıb. Bu dəfə söhbət hərbi əməliyyatlardan yox, mistisizmdən gedir. İranın bir sıra siyasətçiləri və din xadimləri İsraili açıq şəkildə hərbi məqsədlərə çatmaq üçün cadu və cinlərdən istifadə etməkdə ittiham ediblər.
 
Moderator.az bu haqda israil mediasına istinadla xəbər verir.
 
Tehran merinin müşaviri Abdulla Gənci bildirib ki, hərbi əməliyyatlar başa çatdıqdan sonra paytaxt küçələrində yəhudi simvolları və okkultizm əlamətləri olan vərəqələr tapılıb. Onun sözlərinə görə, bu, İsrailin İrana qarşı mübarizədə sehrli vasitələrdən istifadə etdiyini sübut edir.
 
O, həmçinin iddia edib ki, İsrailin baş naziri Binyamin Netanyahu Qəzza zolağında münaqişənin qızğın vaxtında okkultistlərlə məsləhətləşib.
 
Gəncəvinin bəyanatları İranın Ali DİNİ Rəhbəri Əli Xameneinin 2020-ci ilin martında etdiyi çıxışla səsləşir. O zaman Xamanei İslam Respublikasına qarşı təkcə düşmən dövlətlərin deyil, cinlərin də fəaliyyət göstərdiyini iddia edirdi. Hekayə sonradan efirdən çıxarıldı, lakin indi daxili müzakirələr zamanı nümunə çəkilir.
 
Magik müdaxilə ritorikası hətta rəsmi kanallarda da fəal şəkildə təbliğ olunur. 2024-cü ilin oktyabrında islahatçı qanadı təmsil edən keçmiş parlament spikeri Mehdi Karami iddia etmişdi ki, İsrail “cinlər üzərində tarixi nəzarətə malikdir” və onların iştirakı ilə bir çox xüsusi əməliyyatlar həyata keçirilir.
 
İran sosial mediasında ölkənin mərkəzi hissəsindəki səhranın peyk təsvirinin görünməsi də yeni fərziyyə dalğasına səbəb olub. Həmin təsvirdə həndəsi naxışları və simvollar, o cümlədən Davud ulduzu və raket bazasının yaxınlığında çəkilmiş üçbucaqları görsənir.
 
İstifadəçilər bunun İsrailin gizli hücumunun bir hissəsi olduğu versiyasını irəli sürürlər.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1369