Tramp: Avqustun 8-də Azərbaycanla Ermənistan arasında sülh sazişi imzalanacaq

“Bu, tarixi bir gün olacaq” – Tramp Azərbaycan və Ermənistan arasında sülhdən danışdı

ABŞ Prezidenti Donald Tramp avqustun 8-də Ağ Evdə Ermənistan və Azərbaycan arasında sülh sazişinin imzalanacağını bəyan edib.

Musavat.com xəbər verir ki, Tramp bu barədə Truth Social sosial şəbəkəsində paylaşım edib.

Paylaşımda deyilir:

«Mən Azərbaycan Prezidenti İlham Əliyev və Ermənistanın Baş naziri Nikol Paşinyanla Ağ Evdə keçiriləcək Tarixi Sülh Sammitində görüşü səbirsizliklə gözləyirəm. Bu iki xalq illər boyu müharibə aparıb və bu, minlərlə insanın həyatına son qoyub. Bir çox lider bu müharibəyə son qoymağa çalışıb, lakin indiyədək heç bir nəticə əldə olunmayıb — yalnız indiyə qədər, “TRAMP” sayəsində.

Mənim administrasiyam hər iki tərəflə uzun müddətdir işləyir. Sabah Prezident Əliyev və Baş nazir Paşinyan Ağ Evə gələrək mənimlə birlikdə rəsmi sülh sazişinə imza atacaqlar. Birləşmiş Ştatlar da eyni zamanda hər iki ölkə ilə ikitərəfli sazişlər imzalayacaq ki, bu da Cənubi Qafqaz regionunun iqtisadi imkanlarının tam şəkildə üzə çıxmasına şərait yaradacaq.

Mən bu cəsarətli liderlərlə çox fəxr edirəm — onlar Azərbaycan və Ermənistanın möhtəşəm xalqları üçün düzgün seçim ediblər. Bu, Ermənistan, Azərbaycan, ABŞ və SÜLH üçün tarixi bir gün olacaq. Görüşənədək!».