ŞOK: ABŞ kəşfiyyatında daxili savaş - Direktor gizli agentlərin SİYAHISINI YAYDI

ABŞ Milli Kəşfiyyat Direktoru Tulsi Qabbard kəşfiyyat qurumlarında görünməmiş qalmaqala səbəb olub.

Musavat.com xəbər verir ki, NBC News-un məlumatına görə, Qabbard X sosial şəbəkəsində gizli materiallara çıxışı ləğv edilmiş 37 keçmiş və hazırkı xüsusi xidmət əməkdaşının siyahısını ictimaiyyətə təqdim edib.

Bu addımın ən böyük rezonansı siyahıda Rusiyaya ixtisaslaşmış yüksəkvəzifəli MKİ agentinin adının olması ilə bağlıdır. Məlumata görə, həmin agentin fəaliyyəti ABŞ kəşfiyyat sis

teminin ən həssas istiqamətlərindən biri hesab olunurdu. Siyahının açıqlanması MKİ rəhbərliyini şoka salıb.

Milli Kəşfiyyat direktoru açıqlamasında bu şəxsləri ictimai etimaddan sui-istifadə və kəşfiyyat məlumatları ilə manipulyasiya etməkdə ittiham edib. Onun sözlərinə görə, kəşfiyyat strukturlarında illərlə formalaşmış “kölgə şəbəkələri” həm siyasəti, həm də ictimai rəyi manipulyasiya etməklə məşğul olublar.

Hadisə Qabbard ilə MKİ rəhbəri Con Retklif arasında münasibətlərin kəskin pisləşməsinə səbəb olub. Analitiklərə görə, bu, Vaşinqtonun ən yüksək kəşfiyyat dairələrində dərin ziddiyyətlərin açıq təzahürü kimi qiymətləndirilir.

NBC News qeyd edir ki, baş verənlər yalnız şəxsi qarşıdurma deyil, həm də Tramp administrasiyasına kifayət qədər sadiq hesab edilməyən məmurlar arasında yeni və gözlənilməz “təmizləmə” prosesinin başlanğıcı ola bilər.

Beləliklə, ABŞ kəşfiyyatında daxili savaşın yeni mərhələsi başlayıb. Rusiyaya ixtisaslaşmış gizli agentin ifşa olunması isə bu qarşıdurmaya beynəlxalq rezonans qataraq, həm Vaşinqtonda, həm də Moskva ilə münasibətlərdə ciddi dalğalanmalara səbəb ola bilər.