TİTANİK sərnişinlərini xilas ola olarmış: 1500 insanın taleyini bir gəmi dəyişə bilərdi

13 sentyabr 2025 02:41

1912-ci ildə Atlantik okeanında aysberqlə toqquşaraq batan məşhur "Titanik”in sərnişinləri əslində xilas ola bilərmiş.
Qaynarinfo xəbər verir ki, bu barədə London Universitet Kollecində tarix ixtisası üzrə təhsil almış, hazırda isə komediyaçı kimi tanınan Pol Koulter Mirror nəşrinə danışıb.
Onun sözlərinə görə, faciəvi hadisənin baş verdiyi an "Titanik”in cəmi 13 kilometrliyində başqa bir gəmi - "Kaliforniya” üzüb. "Titanik”dən göndərilən radio siqnalları, morze işarələri və hətta qayıq vasitəsilə əlaqə cəhdlərinə baxmayaraq, həmin gəmi heç bir tədbir görməyib.
Tarixçinin fikrincə, səbəb kapitanın gecə yatması olub: "Onu iki dəfə oyadaraq göyə buraxılan siqnal raketlərindən xəbər versələr də, kapitan kabinəsindən çıxmayıb və baş verənləri yoxlamayıb”.
Məlum olduğu kimi, "Titanik” 15 aprel 1912-ci il gecəsi aysberqlə toqquşaraq batıb. Nəticədə 1496 nəfər həyatını itirib, 712 nəfər isə sağ qalıb. Qeyd olunur ki, faciədən bir gün əvvəl "Titanik” Atlantikanı keçən yeddi fərqli gəmiyə məxsus aysberq xəbərdarlıqları alıb. Buna baxmayaraq, qarşısına çıxan buz kütləsindən yayınmaq mümkün olmayıb.





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1367