Teyyub Hüseynovun adını tez-tez hallandırdığı məşhur şirkətin hüquqşünası NUH.az-a zəng edərək nələr dedi ? VIDEO

Teyyub Hüseynovun adını  tez-tez hallandırdığı məşhur şirkətin hüquqşünası NUH.az-a  zəng edərək nələr dedi ?

Bir neçə  il əvvəl o qədər də populyar  olmayan,  həftəlik “Yeni qəzet”in baş redaktoru olaraq  monopoliya problemi ilə bağlı  Gürcüstan hökumətinə elektron müraciət etmişdim.

Müraciətin konkret səbəbi nə idi ?

Deməli, bir neçə şəxs  Gürcüstandan Azərbaycana ucuz  qiymətə  gətirilən iri və xırda buynuzlu heyvanların idxalını öz inhisarına ( monopoliya ) almışdı. Hansı sahibkar Gürcüstandan mal-qara gətirmək istəsə, hər qoyuna  görə 50 dollar, hər  iri buynyzlu heyvana görə monopolistə 100 dollar verməlidir. Əks halda sahibkarın gətirdiyi heyvanlar gömrük postundan buraxılmır və heyvanlar günlərlə ac-susuz  qalıb tələf olurdu.

Nəticədə Azərbaycanda ətin qiyməti  dəfələrlə baha qiymətə satılırdı və kasıb təbəqə üçün əlçatmaz olurdu, cəmiyyətdə narazılıq  yaranırdı.  

Biz bir media qurumu olaraq bu araşdırma yazısını rus dilinə tərcümə edərək Gürcüstan hökümətinə elektron müraciət etdik.

Heç gözləmədiyimiz halda bir həftə sonra  Gürcüstan Maliyyə polisinin rəisi cənab Biranidze redaksiyamıza elektron qaydada rəsmi cavab verdi.

Biranidze cavab məktubunda qeyd edirdi ki, müraciətinizlə bağlı Gürcüstan Maliyyə polisi əməliyyat keçirib və yazdıqlarınız  öz təsdiqini tapıb. Nəticədə yazıda adları qeyd olunan şəxslər tərəfimizdən saxlanılıb.

Bunu nə üçün xatırladım ?

Deməli, xeyli müddətdir ki, NUH.az   saytı olaraq Rusiyada fəaliyyət göstərən  “Dana monopolistləri” ilə bağlı araşdırma yazıları dərc edirik, tədbir görülməsi üçün müvafiq dövlət qurumlarımıza  müraciət edirik. Amma ortada konkret nəticə yoxdur, hələ üstəlik bizə hədə-qorxu da gəlirlər ki, bilirsiniz O-nun dalında kim(lər)  durur ?

Bəli, bilirik, O-nun dalında soydaşlarımızı  döyüb-öldürən Rusiya hüquq-mühafizə  orqanları, bəlkə də FSB durur. Amma bizim də arxamızda Azərbaycan dövləti, dağ  kimi  Prezidentimiz cənab İlham Əliyev dayanır.

Xatırlatmaq istəyirəm ki, cənab Prezident dəfələrlə inhisarçılığı  iqtisadiyyatın QARA YARASI adlandırıb və süni qiymət artıranların ünvanına  NATƏMİZ, İŞBAZLAR  deyib. Amma müvafiq dövlət qurumları konkret tədbir görmür.

Məlumdur ki, bazar iqtisadiyyatında  QİYMƏTİ  TƏLƏB və TƏKLİF  müəyyən edir.

İnhisarçılar isə bazarı TƏK ƏLDƏ cəmləşdirib qiyməti diqtə edir, qiymətləri dəfələrlə  süni şəkildə şişirdirlər.

 QİDA sektorunun inhisarı isə daha təhlükəlidir, istənilən vaxt cəmiyyətdə təhlükəli vəziyyət yarada bilərlər. Ən təhlükəlisi odur ki, inhisarçı  xarici qüvvələrin əlində olur.

Yəni  söhbət təkcə dana-qoyun ətindən getmir ee, milli təhlükəsizlikdən gedir...

Nə isə gələk konkret mövzunun üzərinə.

Söhbət konkret olaraq özünü diaspora rəhbəri kimi təqdim edən, əslində dana-mal-qara  monopolisti olan Rusiya vətəndaşı, Belqorod şəhərinin sakini Teyyub Hüseynovdan gedir.

Teyyub Hüseynovla bağlı Rusiya mediası üzərindən apardığımız araşdırma  zamanı məlum oldu ki…

2024-cü  ilin sonunda Teyyub  Hüseynovun  azyaşlı oğlu  sürücülük vəsiqəsi  olmadan, dövlət  nömrə nişanı olmayan 300000 dollar dəyərində Bentley markalı avtomobili idarə edərkən  Belqorod şəhər polisi tərəfindən saxlanılıb. Oğlu atasına zəng edərək təcili hadisə yerinə çağırıb. Teyyub isə çatan kimi polisə yüksək məbləğdə  rüşvət  təklif edib və polis tərəfindən rüşvət  vermə maddəsi ilə həbs edilib. Amma Rusiyanın hüquq mühafizə orqanlarındakı “krışa”sının  müdaxiləsi ilə  Teyyub Hüseynov həbsdən canını qurtara bilib.

Rusya mediasının xəbərinə görə bu günlərdə Teyyub Hüseynovun Voronejdəki  “Alekseyevskiy rınok”  deyilən bazarına  polis basqını olub. Amma yenə də “krışa” işə düşərək problem həll edib.

Ancaq  bir gün bu “krışa” uça-çökə bilər. Teyyubun başına yox ee, QİDA  SEKTORUMUZUN  başına.

Teyyub Hüseynovla bağlı daha biabırçı olay qardaş Türkiyədə baş verib. Bu barədə növbəti yazıda bəhs edəcəyik.

İndi isə keçək  Teyyub Hüseynovun şəbəkəsinin RÜŞVƏT MEXANİZMİNƏ.

Bu monoploist şəbəkə hər ay 200-dən artıq yük maşını ilə ölkəyə mal-qara gətirir. Həmin şəbəkənin göstərişi ilə məhsul ancaq  FATEH M MMC, Aqrobest MMC , Retro MMC  şirkətlərinə göndərilə bilər.

Bu şəbəkənin əməllərinə göz yuman, himayədarlıq edən Rusiya tərəfinə hər maşına görə, 750.000 rubl( yəni 10.000 dollar ), Azərbaycan tərəfdə isə  5.000 manat rüşvət verilir. Əks halda heyvan gətirən şəxsin heyvanı 30 günə yaxın həm Dağıstanda, həm də Azərbaycanda karantində qalır. 750.000 rub ödəyəndə Rosselxoznadzor, 5000 manat ödəyəndə AQTA göz yumur.

İndi isə  sadə  bir hesablama aparaq:

Rusiyada bir maşın mal-qaraya 10.000 dollar, Azərbaycanda  5000 manat.

Bir ayda  200 maşın məhsul gələndə:

Rusiyada dəstənin kassasına 2 MİLYON DOLLAR, Azərbaycanda isə  1 MİLYON MANAT daxil olur.

Yəni hər ay  milyonlarla pul bu dəstənin əlində dövr edir. Görəsən Azərbaycanda dövlət qurumları bunu görmür ?

Təsəvvür edirsiniz 1 MAŞIN MAL-QARAYA görə, 15-20 min dollar rüşvət verilir. İndi hesablayın  1 KİLO ƏTİN QİYMƏTİ HARA QALXIR..?

Bu dana monoplistləri ilə bağlı araşdırmamız davam edir.

Və biz bir media olaraq bir daha müvafiq dövlət  qurumlarına, Baş prokurorluğa, Dövlət Təhlükəsizlik Xidmətinə, Azərbaycan Qida Təhlükəsizlik Agentliyinə və s  müraciət edirik.

MONOPOLİYA sadəcə mal-qara, ət, hətta Teyyub  məsələsi də deyil, MİLLİ  TƏHLÜKƏSİZLİK  MƏSƏLƏSİDİR.

Teyyub Hüseynovla  biznes ortağı Laçınlı Dadaş Şükürov  arasında nə baş verib ?

Rusiya  və Türkiyə mətbuatı  Teyyub Hüseynov  barəsində daha  nələr yazır ? 

Teyyub Hüseynovun adını  tez-tez hallandırdığı məşhur  şirkətin hüquqşünası  NUH.az-a  zəng edərək nələr dedi ? 

Bizi izləyin.