Timoşenko AÇIQLADI: Müharibənin sonu yaxınlaşır

Ukraynanın müxalif “Batkivşçina” partiyasının lideri və keçmiş baş naziri Yuliya Timoşenko (2007–2010) hesab edir ki, Rusiya-Ukrayna müharibəsi yaxın zamanda başa çatacaq.

Musavat.com xəbər verir ki, bu barədə o, “Ukrayna Radiosu”nda açıqlama verib.

“Müharibənin sonunun yaxınlaşdığına dair müəyyən məlumatlardan xəbərim var. Biz hamımız buna ümid edirik və hamımız buna doğru çalışırıq”, - deyə Timoşenko bildirib.

O, hansı məlumatı nəzərdə tutduğunu dəqiqləşdirməyib.

Bu ilin aprel ayında Timoşenko iddia edib ki, Ukraynada müharibə may ayının sonunadək başa çatacaq və bundan sonra ölkədə “hakimiyyətin yenidən qurulması” prosesi başlayacaq.