Sayt rəhbərləri və səhifə inzibatçılarına MÜRACİƏT - Nailə İSLAMZADƏ

Cəmiyyət14 oktyabr 2025 15:17

Naile Islamzade  

Sayt rəhbərləri və səhifə inzibatçılarına !
Sosial şəbəkələrdə, müxtəlif xəbər saytlarında və şəxsi səhifələrdə tez-tez şəkillərim paylaşılır. Təşəkkür edirəm, xoş sözlər, diqqət və dəyərləndirmə mənim üçün önəmlidir. Amma bu mənim istəyimə ziddir.
Təəssüf ki, bəzi
paylaşımlar təhrif olunur, bilərəkdən kontekstdən çıxarılır və diqqət çəkmək məqsədilə yanlış başlıqlarla təqdim edilir.
Peşəkar fəaliyyətimlə, illərlə qazandığım tamaşaçı etimadına sahib olmaq mənim üçün kifayət qədər böyük mükafatdır. İstəmirəm ki, sosial mediada şəkillərim müzakirə obyekti olsun və mənim adım “klik” və ya “layk” üçün istifadə edilsin. Hamı bilir ki, doğum tarixim 1961-ci ildir. Təkrar-təkrar, bunu yazaraq istifadəçiləri də yormayın. Xarici görünüş ilk baxışda insanı cəlb edə bilər, amma daxili nur, səmimiyyət, mərhəmət və ağıl olmadan o gözəllik çox tez solur.
Anlayıram, mən ictimai insanam və haqqımda paylaşımlar ola bilər. Amma, cılız başlıqlarla, illər əvvəl çəkilmiş video və şəkillərimi indi çəkilmiş kimi təkrar-təkrar səhifənizdə yerləşdirib müzakirə açmayın! Mövzu qıtlığınız varsa, bir az dərin düşünün,
necə etmək olar ki, səhifəniz maraqlı olsun. Haqqımda nə isə yazmaq istəsəniz mənə müraciət edin.
Xahiş edirəm, bu qərarıma anlayışla yanaşasınız və bundan sonra şəkillərimi müzakirə obyektinə çevirməyəsiniz.
Əks halda, bu, həm etik normaların, həm də müəlliflik və şəxsi hüquqların pozulması kimi
qiymətləndiriləcək. NUH.az
Bir bir və ya daha çox şəxs və televiziya şəkili ola bilər




Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1365