Bakıya ilk avtomobili o gətirib - TARİXİ FOTO

İqtisadiyyat22 noyabr 2025 12:35

Bakının neft milyonçularından olan böyük xeyriyyəçi İsa bəy Hacinskinin ictimai-siyasi fəaliyyətindən bəhs edən monoqrafiyanın təqdimat mərasimi keçirilib.

Kitabın müəllifi Hacinskinin nəticəsi dosent, sənətşünaslıq üzrə fəlsəfə doktoru Nuridə İsmayılzadədir. 
Monoqrafiya İsa bəy Hacınskinin həyat və hərtərəfli fəaliyyətinə həsr olunur. Həmin tədqiqat işində ilk dəfə arxiv sənədlərinə əsaslanaraq İsa bəyin öz xalqı üçün etdiyi çoxsaylı xeyirhaq əməlləri işıqlandırılır. Burada, ilk dəfə olaraq İsə bəy Hacınskinin Bakının XIX əsrin sonları XX əsrin əvvələrində ictimai-siyasi həyatında bir dövlət xadimi, maarifçi və mesenat kimi mühüm rol oynadığı bir daha açıqlanır.
Kitabda yer alan məlumatlara görə, XX əsrin əvvəllərində İsa bəy Hacinski təkcə iri neft kapitalına sahib iş adamı deyil, həm də dövrün yeniliklərini Bakıya gətirən şəxs olub. Əldə olunan arxiv sənədləri onun 1905–1906-cı illərdə Rusiyanın iri səhmdar cəmiyyətlərindən milyon rubl dəyərində pay alaraq Çələkan (indiki Çələken yarımadası, Türkmənistan) neft yataqlarının əsas sahiblərindən birinə çevrildiyini göstərir.
Londonla sıx işgüzar əlaqələri olan Hacinski həmin səfərlərin birində 1904-cü ildə istehsal olunan "Rolls-Royce” markalı avtomobili şəxsi istifadəsi üçün alaraq Bakıya gətirib. Bu avtomobil şəhərə gətirilən ilk belə nəqliyyat vasitəsi hesab olunur və o dövrün sakinləri üçün son dərəcə qeyri-adi hadisə imiş. Modern.az  

v





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1386