İran və ABŞ arasında razılaşma mümkünsüzdür

Müsahibə16 aprel 2026 13:06

 

“İran ilə Amerika Birləşmiş Ştatları arasında etimadın yaranması, uzun bir tarixə və mürəkkəb bir kontekstə sahib olduğu üçün bir qədər absurd görünür. Çünki İran İslam Respublikası yaradıldığı gündən etibarən, iki ölkə arasında heç bir istiqamətdə qarşılıqlı əməkdaşlıq olmamışdır. Bu, 1979-cu ildən bəri, İran inqilabı Amerikanın dəstəklədiyi hakimiyyətə qarşı baş vermiş inqilab olduğu üçün, etimadın yaranması mümkünsüz görünür. Həmçinin, İran siyasi hakimiyyətinin ABŞ-a olan münasibəti, dünyadakı siyasi sistemə olan yanaşmaları da buna təsir edir.”
 
NUH.az   xəbər verir ki, bu fikirləri ARB 24 telekanalına açıqlamasında Milli Məclisin deputatı Cavanşir Feyziyev bildirib.
 
Millət vəkili qeyd edib ki, 2015-ci ildəki danışıqlar zamanı İran, nüvə silahı proqramından imtina etdiyini və uranın zənginləşdirilməsini dayandırdığını bildirmişdi.
 
“Lakin bu günlərdə aydın olur ki, İran, uranın zənginləşdirilməsinə davam edir və 60%-ə qədər artım əldə etmişdir. Bu vəziyyət, etimad məsələsini çətinləşdirir. Etimad yarana biləcək yeganə hal, İranın uranın zənginləşdirilməsindən bir daha imtina etməsi və zənginləşdirdiyi uranı ABŞ-a və ya beynəlxalq Atom Enerjisi Agentliyinə verməyə razı olmasıdır. Lakin hazırda İran bunu etmək fikrində görünmür. İranın Amerika Birləşmiş Ştatlarına qarşı tətbiq etdiyi təzyiqlərin yalnız müharibə kontekstində baş verməsi, hələlik onların ciddi təsir yaratmadığını göstərir, çünki İrandakı hərbi gücün bir hissəsi zəiflədilmişdir. Əgər ABŞ müharibəni daha da uzatsa, İran hakimiyyəti tamamilə devrilə bilər. Bu vəziyyətdə, İranın təzyiq göstərməsi cəhdləri, siyasi anlamda yanlış bir yanaşma olaraq qiymətləndirilə bilər. Müharibə müddətində, İranın Hörmüz boğazındaki fəaliyyətləri və bu kontekstdə Amerika Birləşmiş Ştatlarının atdığı addımlar, İranın nə dərəcədə uğur əldə etdiyini sual altında qoyur. Ötən dövrdə, İranın ABŞ-a qarşı atdığı addımlar, nəticə etibarilə atıldığı yerə geriyə doğru təsir etməyə başlamışdır. Blokadanın iki tərəf arasında, illüziya olan imkanları və reallıqlar arasındaki ziddiyyətləri ortaya çıxartması isə müzakirələrin çətinliyini artırır”, - deyə Cavanşir Feyziyev bildirib.
 
Daha ətraflı videoda:

 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1489