Son xəbərlər:

Bu, Rusiyanın sonunun başlanğıcıdır...- Və yeni Ukraynanın başlanğıcı...

10 may 2026 15:53

"Rusiya iqtisadiyyatı spiral şəklində aşağıya doğru gedir, büdcə kəsiri illik hədəfləri aşır. Rusiyanın Qara dəniz donanması praktik olaraq mövcud deyil. On hava hücumundan müdafiə halqası ilə əhatə olunmuş Moskva qorxudan titrəyirdi. Mobil rabitə və internet xidməti kəsilmişdi..."

"Ukraynanın uzunmənzilli dronları və "Flaminqo"ları Rusiyanın arxa cəbhəsinə zərbə endirir, Rusiyanın neft infrastrukturunun - ölkənin büdcəsinin və iqtisadiyyatının təməlinin ən azı 30%-ni məhv edir. Ukrayna Avropa raketdən müdafiə sisteminin yaradılması təşəbbüsünü irəli sürüb..."

Moderator.az aktuallığını nəzərə alaraq "Ukrainian Institute for the Future"(Ukraynanın Gələcəyi) İnstitutunun həmtəsisçisi və iqtisadi proqramlar direktoru Anatoli Amelinin "NV" nəşrində dərc olunmuş "Bu günü yadda saxlayın: Bu, Rusiyanın sonunun başlanğıcıdır..." başlıqlı köşə yazısının tərcüməsini təqdim edir:

"Bu gün iki fundamental proses aşkar oldu...

1. Rusiya Ukraynaya qarşı müharibədə təşəbbüsü tamamilə itirib.

Qoca, xəstə diktator gülünc görünür. Tarixin ən qısa "qələbə paradı" - 45 dəqiqə. Ən az sayda xarici qonaq lider, aralarında bir dənə də olsun nüfuzlu lider yox idi (axı, hətta ABŞ prezidentləri də əvvəllər paradlarda iştirak ediblər).

İlk dəfə olaraq heç bir texnika yox idi.

Rusiya ələ keçirdiyi əraziləri itirməyə başladı.

On hava hücumundan müdafiə halqası ilə əhatə olunmuş Moskva qorxudan titrəyirdi.

Rusiya iqtisadiyyatı spiral şəklində aşağıya doğru gedir, büdcə kəsiri illik hədəfləri aşır. Rusiyanın Qara dəniz donanması praktik olaraq mövcud deyil. On hava hücumundan müdafiə halqası ilə əhatə olunmuş Moskva qorxudan titrəyirdi. Mobil rabitə və internet xidməti kəsilmişdi...

Və bütün bunlar Ukraynanın ABŞ-ın xahişi (!) ilə qərarı sayəsində mümkün oldu...

2. Ukrayna Trampın hakimiyyətə gəlişindən bəri bir ildən çoxdur ki, ABŞ-dan, demək olar ki, heç bir birbaşa hərbi yardım almayıb.

Amma:

Ukrayna möhkəm dayanır, mübarizə aparır, sülh müqaviləsi üçün alçaldıcı təkliflərdən imtina edir və ərazisini azad edir. Lazımi silahlar, sursat və texniki həllərlə özünütəminatını artırır. Tərəfdaşları (xüsusən də ərəb ölkələri) üçün təhlükəsizlik təminatçısı kimi çıxış etməyə başlayıb; digərləri öyrənməyə can atır və onun məhsullarını və həllərini almaq üçün növbəyə dururlar. Ukraynanın uzunmənzilli dronları və "Flaminqo"ları Rusiyanın arxa cəbhəsinə zərbə endirir, Rusiyanın neft infrastrukturunun - ölkənin büdcəsinin və iqtisadiyyatının təməlinin ən azı 30%-ni məhv edir. Ukrayna Avropa raketdən müdafiə sisteminin yaradılması təşəbbüsünü irəli sürüb.

Bunlar gələcək regional subyektin ilk əlamətləridir.

Qarşıda çox iş var. Amma inanıram ki, bu gün rubikon idi..."

Tərcümə və təqdim etdi:

Sultan Laçın