Prezident spirtli içkilərin kartla satışını ləğv etdi - Sərəncam

Bu gündən etibarən ölkədə aksiz malların plastik kartlarla satışı dayandırılıb.

Qaynar.info xəbər verir ki,  bu barədə Vergilər Nazirliyinin müavini Sahib Ələkbərov AZTV-yə müsahibəsində deyib. O qeyd edib ki, sahibkarların ölkə başçısına çoxsaylı müraciətlərini nəzərə alaraq bu qərar qəbul edilib:“Bu gündən etibarən spirtli içiklərin nağd qaydada satılmasında heç bir problem olmayacaq. Baxmayaraq ki, bütün mağazalarda post terminallar quraşdırılıb, ödəmə məntəqələrinin sayı kifayət qədərdir.  Amma insanlarımız buna alışmadılar. Bu məsləni geniş təbliğ etməyə ehtiyac var. Həm də sahibkarlar müraciətlərində spirtli içkilərinin səndələşməsi ilə bağlı problemlərin olduğunu qeyd edib. Bu sənədlərin işlərin başa çatdırılması üçün sahibkarların müraciətləri nəzərə alınıb. Bu qərar imkan verəcək ki, sahibkarlar sənədələşmə işlərini başa çatdırsın. Eyni zamanda mağazalarda vətəndaşlar həm nağdsız, həm də nağd formada spirtli içkilər ala bilərlər”.

NUH.az