Cilov adasındakı 16 saylı xəstəxananın kollektivinin müraciəti

 Bir müddət əvvəl  Cilov adasında yerləşən  16 saylı  Birləşmiş Xəstəxananın baş həkimi Vaqif  Nuriyev barəsində  adanın sakini  Rüstəm Hüseynovun mətbuata ünvanladığı  şikayət məktubu dərc  olunmuşdu. Bu gün  NUH.az-a  xəstəxananın kollektivinin müraciəti daxil olub. Müraciətdə  qeyd olunur ki, xəstəxananın işçiləri  Rüstəm Hüseynovun haqsız şikayətini pisləyir: “ Həmin şəxs  vaxtilə adada cəbhəçi kimi tanınırdı. O, öz dəstəsi ilə 1995-ci ildə möhtərəm prezidentimiz Heydər Əliyevin qəbulunda olmuşdur. Onun  şantaj xarakterli çıxışından sonra   onun fəaliyyəti yoxlanıldı və saxta yolla  Rusiyanın Stavropoldakı hansısa institutu bitirdiyi, diplomunun saxta olduğu bəlli oldu, ona görə də “ 28 may” NQÇİ-nin əmri ilə  sex rəsinin  müavini vəzifəsindən azad edildi. Ancaq NQÇİ-də fəhlə olaraq işində saxlanıldı. 2016-cı ildə  təqaüdə çıxana qədər və hazırda  başqa- başqa şəxslərin ünvanına  böhtanlar yazır”.

Kollektivin üzvləri onu da yazır ki, baş həkim  Vaqif Nuriyev şəxsən Rüstənin həyat yoldaşını ölümdən xilas edib: “ Baş həkim xeyli sayda insanı ölümdən xilas edib. NQÇİ-nin iflic olan rəisi  Rzabəyov İdris müəllimi baş həkim günlərlə öz  xidməti otağında  müalicə edərək həyata qaytarıb. Belə misallar çoxdur. Baş həkim hətta məzuniyyətdə olanda belə ada sakinlərinin telefon zənglərinə cavab verir, onlara məsləhət verir. Baş həkimin özünə ev tikmək məsələsinə gəldikdə isə baş həkim  daxmada yaşamalı deyil ki..?  Baş həkim işçilərin qayğısına qalır, öz kollektivinin hörmətini qazanıb”.

Müraciəti onlarla  ada sakini və xəstəxananın əməkdaşları imzalayıb.

Nuriyev Vaqif

1. Yaqubov Əli

2. Şahbazova Gulanə

3. Əzimov İbrahim

4. Əzimova Zərifə

5. Məmmədov Ata  və s