Çeçenistan lideri postundan gedir: “Vaxtım çatıb”

Çeçenistan dövlət başçısı Ramzan Kadırov respublika rəhbərliyindən getməyinin vaxtı olduğunu deyib.

Modern.az Rusiya KİV-nə istinadən xəbər verir ki, “NTV” telekanalına geniş açıqlama verən Kadırov komandasında layiqli varislərinin olduğunu deyib.  “Açığı mən iş görürdüm və buna görə həmin işlər alınırdı. Amma mənim adımın xalqıma qarşı işlənməməsi üçün düşünürəm ki, dövlət başçısı yerimə başqa bir namizəd seçilməlidir. Mən deyirəm: vaxtım çatıb. Komandamda çoxlu varislərim var. Onlar çox yaxşı mütəxəssisdirlər. Bu mənim üçün pikdir”.Kadırov həmçinin mərhum siyasətçi Boris Nemtsovun qətli ilə bağlı adının hallanmasına da toxunub. Çeçen lider Nemtsovla işinin olmadığını deyib.  “Nemtsov əslində mənə mane olmurdu. Çünki o mənim səviyyəmdə birisi deyildi”. 

      NUH.az