Rusiyada təyyarə qəzaya uğradı - Bütün sərnişinlər öldü

Rusiyada Boeing 737 sərnişin təyyarəsi eniş edərkən qəzaya uğrayıb. 

AzNews.az TASS agentliyinə istinadən xəbər verir ki, “FlyDubai” avia şirkətinə məxsus təyyarənin göyərtəsində 55 sərnişin və 6 nəfər heyət üzvü olub. Qəza zamanı təyyarədə olanların hamısı ölüb. Sərnişinlərin əksəriyyətinin Rusiya vətəndaşı olduğu bildirilir. Məlumata görə təyyarənın heyət üzvü Birləşmiş Ərəb Əmirliyinin vətəndaşları, sərnişinlərdən isə 2-si Ukrayna, 1-i Özbəkistan və 1-i Hindistan vətəndaşı olub. 

Sərnişin təyyarəsi qəza etdikdən sonra parçalara ayılıb və yanmağa başlayıb. Lakin təyyarəni söndürmək mümkün olub. 

Flightradar24.com portalının məlumatana görə, ilk eniş cəhdi uğursuz olduqdan sonra təyyarə qəzaya səbəb olan ikinci cəhdi etməzdən öncə 2 saat 9 dəqiqə Rostov-na-Don hava limanının gözləmə zonasında olub. 

NUH.az