“Əgər istəsəm, seçkini satın alaram” - Tramp

Respublikaçılar partiyasından prezidentliyə namizəd Donald Tramp növbəti qalmaqallı açıqlaması ilə gündəmdədir.

“Qafqazinfo” xarici KİV-ə istinadən xəbər verir ki, İndiana ştatında tərəfdarları qarşısında çıxış edən milyarder namizəd bildirib ki, əgər istəsə, seçkiləri satın ala bilər.

Namizəd ABŞ seçki sistemini tənqid edərkən belə bir fikir səsləndirib. Tramp hesab edir ki, seçkiqabağı kampaniya zamanı ştatlardan olan nümayəndələrlə nahar etmək, onlara otel sifariş etmək, təyyarəyə yerləşdirmək, kurorta göndərmək elə seçkiləri satın almaq kimi bir şeydir: “Əgər seçki oyunu bundan ibarət olsaydı, mən mütləq qalib gələrdim.

Mən rəqiblərimin ağlına gətirmədikləri qədər çox səs satın ala bilərəm. İnanın, bu sistem bu qədər pis və ədalətsizdir”.

  NUH.az