274 nömrəli məktəbin direktor müavini sevgilisinə pul atıb

Atakişi Cəfərov Aksana Cəlilovanın əməllərini nədən görməzdən gəlir?

Gözəllik salonundan qaçırılan qıza görə kim məsuliyyət daşıyır? 1985-ci ildə inşa edilərək şagirdlərin istifadəsinə verilən, Qaradağ rayonu Mikayıl Müşfiq qəsəbəsində yerləşən Etibar Şirəliyev adına 274 nömrəli orta məktəbin fəaliyyəti adıçəkilən qəsəbənin sakinlərinin kəskin etirazına səbə olur. Belə ki, sözügedən təhsil müəssisəsinin 1174 yerlik 3 korpusdan ibarət olduğunu bildirən məlumatlı şəxsin Gundelik-Baku.com-la paylaşdığı informasiyada deyilir ki, 274 nömrəli orta məktəbin direktoru Atakişi Tofiq oğlu Cəfərovun nöqsanlı fəaliyyəti nəticəsində şagirdlər normal təlim-tədrisdən məhrum qalıb. Onu da nəzərinizə çatdıraq ki, Cəbrayıl rayonundan olan məcburi köçkün və hazırda Binəqədi rayonu Biləcəri qəsəbəsində məskunlaşan Əlisadət Qabil oğlu Əliyev 2011-ci ildə tanış olduğu xanımla 2015-ci ilədək münasibətdə olduğunu bildirməklə yanaşı, bu dövr ərzində 274 nömrəli orta məktəbin direktor müavini vəzifəsində çalışan Aksana Arif qızı Cəlilovanın onun etimadını qazanaraq ümumilikdə 4600 manat pulunu «dələduzluq» yolu ilə mənimsədiyini iddia edir. Qeyd edək ki, Əlisadət Əliyev dəfələrlə direktor müavini işləyən xanımdan pulunu tələb etsə də, bunun heç bir faydası olmayıb. Belə ki, Aksana Cəlilova pulu qaytarmaq əvəzinə bir zamanlar bir yerdə yaşadığı şəxsi, yəni sevgilisi Əlisadət Əliyevi hədə-qorxu, təhdid yolu ilə susdurmağa çalışıb. Bundan sonra Əlisadət Əliyev yardım məqsədilə adıçəkilən qadının çalışdığı orta məktəbin direktoru Atakişi Cəfərova müraciət edib. Əlisadət Əliyev bildirir ki, Atakişi Cəfərovla görüşüb mütəmadi siqaret və spirti içki qəbul edən 274 nömrəli orta məktəbin direktor müavini Aksana Cəlilovanın ona 4600 manat pul aldığını və geri qaytarmaq niyyətinin olmadığını deyib. Atakişi Cəfərov isə cavabında müavini barəsində lazımı ölçü götürüləcəyini, tutduğu vəzifədən sui-istifadə etmənin və müəllimlik adına yaraşmayan davranış sərgiləməyin layiqli cəzasını alacağını qeyd edib. Direktoru həmçinin, zərərçəkmişə söz verib ki, yaxın günlərdə onun 4600 manat pulu geri qaytarılacaq. Lakin nədənsə direktor verdiyi vədin üzərində durmayıb, əksinə Əlisadət Əliyevi təhdid edib, ona hədə-qorxu gəlib. Bu arada, məlumatlı şəxsin Gundelik-Baku.com-a verdiyi bilgilərdə o da bildirilir ki, 274 nömrəli orta məktəbin direktor müavini Aksana Cəlilova bu yaxınlarda yaşı 65 olan və müəllimlik vəzifəsindən azad edilərək təqaüddə göndərilməli olan Solmaz və Tamilla müəllimədən 1000 manat alaraq onlarla müqavilə bağlayaraq məktəbdə işləmələrinə şərait yaradıb: «Deyilənlərə görə, Aksana Cəlilova bundan öncə münasibətdə olduğu bir şəxsi öz qohumlarının əli ilə 6-cı polis bölməsinə şikayət etdirib və bu hall iki dəfə təkrarlanıb. Həmin qohumları, yəni xalası qızları deyilən xanımlar isə gözəllik salonlarında işləyirlər. Həmin salonlar isə Aksana Cəlilovaya məxsusdur. 4 salon və bir restoran işlədən 274 nömrəli orta məktəbin direktor müavini Aksana Cəlilova və «komandası» müxtəlif ərazilərdə bir neçə obyektə sahibdir. O, bütün obyektlərinə öz xalası qızlarını yerləşdirib. Hələ bu, harasıdır Deyilənlərə görə, Aksana Cəlilova 274 saylı məktəbin şagird qızlarından bir neçəsini də həmin gözəlik salonunda sənət öyrənməyə sövq edib. Məsələnin maraqlı tərəfi ondadır ki, bir müddət öncə həmin qızlardan biri gözəllik salonundan çıxarkən naməlum şəxslər tərəfindən qaçırılıb. Lakin nədənsə 274 nömrəli orta məktəbin direktor müavini Aksana Cəlilova bu məsələyə görə sorğu-sual edilməyib. Halbuki bu işdə onun da barmağının olması ehtimal edilir…» Mövzu ilə əlaqədar qarşı tərəfin də mövqeyini işıqlandırmağa hazırıq. /Gundelik-Bak.com/

   NUH.az