Dünyada ən çox silah alan və satan ölkələrin adı AÇIQLANDI

2015-ci ildə dünya silah ticarəti bazarı 10% genişlənərək 65 milyard dollara qədər artıb.

Modern.az xəbər verir ki, bu barədə IHS şirkətinin “Global Defence Trade Report” adlı hesabatında deyilir.

Hesabata əsasən, silah ticarətindəki artım Səudiyyə Ərəbistanın bu sahədə fəallığı ilə bağlıdır.

Krallıq ötən il 9,3 milyard dollar məbləğində silah – Apache helikopertəri, F-15 təyyarələri, pilotsuz uçuş aparatları və yüksək dəqiqliyə malik snayper tüfəngləri alıb.

Ən çox silah idxal edən ikinci ölkə Hindistan (4 milyarddan çox), üçüncü yerdə Avstraliya (2,5 milyard dollar), dördüncü Misir (2,3 milyard dollar) və Cənubi Koreyadır (2,1).

2015-ci ildə ən çox silah satan ölkə isə Amerika Birləşmiş Ştatlarıdır.

Bu ölkə 2015-ci ildə 23 milyard dollar, ikinci pillədə qərarlaşan Rusiya isə 7,5 milyard dollar dəyərində silah satıb.

  NUH.az