"Türkiyənin NATO üzvlüyü təhlükə altındadır" — Kerridən şok bəyanat

ABŞ Türkiyədə baş verənlərə münasibət bildirdi.

Ölkə.Az xəbər verir ki, çevriliş ərəfəsində Ağ Ev və Dövlət departamentinin rəsmi Ankaranı dəstəkləyən qısa bəyanatlarından başqa bu məsələlərlə bağlı hələlik ciddi bir bəyanat səslənməmişdi.

«The Washington Post»un bu dəqiqələrdə yaydığı bir xəbər siyasi kulislərdə şok effekti yaradıb.

Qəzetin yazdığına görə, ABŞ-ın dövlət katibi Con Kerri Türkiyə rəhbərliyini ordu daxilində apardığı "repressiyalara" son qoymağa çağırıb.

Kerrinin sözlərinə görə, Türkiyə hakimiyyətinin çevrilişə cəhd edənlərlə sərt davranışı "demokratik prinsipləri təhlükə altına atır" və Türkiyənin NATO üzvlüyü məsələsinə yenidən baxılması zərurətini yaradır.

Rəsmi Ankara hələlik bu bəyanata cavab verməyib.

  NUH.az