Rövnəq Abdullayevin oğlu Türkiyədə saxlandı - Fətullah Gülən camaatı ilə ,,rəqs,, etdiyi üçün

SOCAR patronunun oğlu Fətullah Gülən camaatı ilə ,,rəqs,, etdiyi üçün həbsə edilib. Bu gün aldığımız xəbərdə bildirilir ki, iki gün əvvəl İstanbulda SOCAR prezidenti Rövnəq Abdullayevin oğlu Rəşad Abdullayev həbs edilib. Onun Fətullah Gülən icmasının fəal üzvlərindən və təşkilatçı isimlərindən biri olaraq həbs edildiyini söyləyirlər.

Türkiyədə fövqəladə vəziyyət davam etdiyinə görə bu xəbəri dəqiqləşdirmək bir qədər çətindir. Amma hər halda, yaxın saatlarda xəbərə aydınlıq gətirməyə çalışacağıq. Rəşad Abdullayevin azərbaycanlı tələbələrdən ibarət yaratdığı Fətullah Gülən camiəsinin bütün üzvləri möhkəm təşviş içindədilər. Hər kəs, hər an həbs ediləcəyini düşünür.

Qeyd edək ki, 3-4 gün əvvəl İlham Əliyevin köməkçisi Əli Həsənov yığcam bir heyətlə Ankaraya gedərək müxtəlif dövlət qurumlarında görüşlər keçirib və Rövnəq Abdullayevin oğlunun azad edilməsi üçün danışıqlar aparıb. Hələlik, danışıqların heç bir nəticə vermədiyi bildirilir.

Bu dəqiqələrdə aldığımız məlumata görə, SOCAR prezidenti Rövnəq Abdullayev təcili olaraq Türkiyəyə yollanıb. Son məlumatlarla bağlı əlavə məlumat verəcəyik. Hazırda Rəşad Abdullatevin hələ də polisdə olduöu bildirilir. Onu ciddi sorğu-sual edirlər.

NUH.AZ