Seçicilərlə spikerin əlini üzdüyü deputatın biznes səltənəti - Özəl siyahı

125 saylı Zəngilan-Qubadli seçki dairəsindən olan deputat qeybə çəkilib

Politika.Az-a verilən xəbərə görə, İsmayilov İmamverdi İbiş oğlunu Milli Məclisdə axtarırlar. 

Seçicilərin sözlərinə görə, spiker Oqtay Əsədov da İ.İsmayılovun parlamentin iclaslarında iştirakını hiss etməyib. Məcburi köçkünlər qeyd edirlər ki, onlar deputatından əlini üzüb. 

Bildirirlər ki, İmamverdi İsmayılovun bircə dəfə onlarla maraqlanmasını, bayramla sovqat paylamasını, dərd-sərini parlamentdə qaldırmasını xatırlamırlar. 

Deputat köçkünlərin müavinətlərinin kəsilməsi, uşaqlara verilən pulun dayandırılması, qaz və işığın bahalaşması ilə bağlı ağzını açıb bir kəlmə danışmayıb. 

Politika.Az-a verilən xəbərə görə, İsmayılov İmamverdinin başı biznesini böhrandan qorumağa qarışıb. İmamverdi İsmayılovun ölkənin müxtəlif ərazilərində biznes strukturları və əmlakları var.

Deyilənə görə, deputatın Sumqayıt şəhərindəki xeyli obyekti - restoranı, şadlıq evi, internet-klubları və dükanları var. Həmçinin onun yaxın qohumları Sumqayıtda tikinti materiallarının geniş biznesi ilə məşguldurlar. 

Mənbəmizin bildirdiyinə görə, son vaxtlar deputata aid olduğu söylənən obyektlərin əksəriyyətində ciddi maliyyə-vergi yoxlamaları aparılır. Paralel olaraq həmin obyektlərin əksəriyyəti deputatdan qeyri-rəsmi şəkildə alınaraq tamam başqa şəxslərin nəzarətinə keçirilib. 

İmamverdi İsmayılovun Şamaxı rayonunda xeyli qoyun sürüsü, fermer təsərrüfatı, həmçinin İmişlidə çınqıl karxanası, Saray və Novxanı kəndlərində bir neçə dəbdəbəli bağ evləri var.

Politika.Az yada salır ki, 999 və 888 seriya nömrələri yalnız bu ailəyə məxsus olduğu qeyd edilir. Kapitan rütbəli İlkin İsmayılov Sumqayıt Şəhər Yol polisində imtahan-qeydiyyat şöbəsinin baş inspektorudur. İlkin İsmayılov Qubadlı-Zəngilan dairəsindən millət vəkili seçilən İmamverdi İsmayılovun oğludur. Bu məsələnin üzə çıxması, deputatın ifşa olunması və ona aid olmayan bir qətlə sadəcə, nömrə biznesinə görə adının çəkilməsi başını möhkəm ağratmışdı. 

Qeyd edək ki, bir müddət əvvəl İlkin İsmayılovun adı 888 nömrəsi ilə bağlı qalmaqalda hallanıb. Azad istehsalçılar Birliyinin sədri Eyyub Hüseynov bir il iki ay əvvəl əvvəl İlkin İsmayılovdan təşkilat üçün KİA Sorento markalı 90 FP 888 dövlət nömrə nişanı olan maşın alıb. 

Sonradan avtomobildə yaranan problemlə əlaqədar olaraq KİA servisə müraciət edərkən avtomobilin 14.10.2013-cü ildə servisdə 105800 km yürüşlə qeydiyyatda olduğu və onun üzərində çoxsaylı detal dəyişmə işləri aparıldığı məlum olub. 2014-cu ildə baş verən bu hadisə uzun müddət mətbuatın müzakirəsinə səbəb olub. Qarşı tərəfin mövqeyini verməyə hazırıq.

    NUH.az