Mirələmovun qohumu Lerik meşələrinə qənim kəsilib

Məktubda Lerik rayonunun Veri kənd sakini Azər Kazımov bildirir ki, Lerik rayonunun Dəvrədibi kəndindəki meşə Lerik rayon Ekologiya və Təbii Sərvətlər
Nazirliyinin nümayəndəsi Eyvaz Babayevin razılıqı ilə naməlum şəxslər tərəfindən futbol medançasına döndərilir.

Rayon sakini onu da əlavə edərək bildirib ki, meşənin ümumi sahəsi 40.306 hektardır.

Meşə palıd, vələs, fındıq, qızılağac, dəmirağacı və sair ağaclarla zəngindir. Meşədə baş verən soyqırımla bağlı rayon polis şöbəsinə, 102 polis xidmətinə zəng edib bildirsələr də, heç bir tədbir görülmür.

Lerik rayon sakini onu da qeyd edir ki, artıq Lerikin Dəvrədibi kənd meşələrinin qırılması 1 aydır davam edir və hər gün meşədən palıd, vələs, fındıq, qızılağac, dəmirağacı və sair ağaclar qırılaraq 5-6 zil Kamaz markalı yük maşını ilə daşınır.

Lerik rayonunun Veri kənd sakini Azər Kazımov bildirir ki, Dəvrədibi kəndindəki meşəyə cavabdeh olan Lerik rayon Ekologiya və Təbii Sərvətlər Nazirliyinin nümayəndəsi Eyvaz Babayev Milli Məclisin deputatı Hüseynbala Mirələmovun yaxın qohumudur. Həm də, Eyvaz Babayevin qardaşı Teymur Babayev Lerik rayon polis idarəsində mayor rütbəsilə cinayət axtarış şöbəsinin rəisi işləyir.

Çox maraqlıdır ki, Lerik rayon Ekologiya və Təbii Sərvətlər Nazirliyinin nümayəndəsi Eyvaz Babayevin bu cür özbaşınalıqlarına həm Lerik Rayon Polis Şöbəsi, həm də Ekologiya və Təbii Sərvətlər Nazirliyi göz yumur.

Xatırladaq ki, bu məsələ ilə bağlı Lerik rayon Ekologiya və Təbii Sərvətlər Nazirliyinin nümayəndəsi Eyvaz Babayevlə əlaqə yaratmağa çalışsaqda bu istəyimiz heç cür alınmadı.

Məsələ ilə bağlı qarşı tərəfində mövqeyin dərc etməyə hazırıq.

Mövzu ilə bağlı araşdırmalarımız davam edir.\siam.az\