Trampın inaqurasiyasına qatılan azərbaycanlı xanım: kimdir o?

Dünya22 yanvar 2017 15:30

Məlum olduğu kimi, yanvarın 20-də Vaşinqtonda ABŞ-ın yeni seçilmiş prezidenti Donald Trampın andiçmə mərasimi baş tutub.

“Qafqazinfo”nun əldə etdiyi məlumata görə, mərasimdə azərbaycanlı biznes leydi Aytən Mirzoyeva da iştirak edib. O, Amerika prezidentinin qızı İvanka Trampla yaxın dostdur və onun şəxsi dəvəti ilə mərasimə qatılıb. Aytən Mirzoyeva ailəsi ilə birlikdə həm Kapitolda baş tutan inaqurasiyada, həm də andiçmədən sonrakı balda iştirak edib.
Aytən Mirzoyeva Azərbaycan tibb elminin görkəmli xadimlərindən biri olan Bəşir Quliyevin nəvəsidir. O, hazırda Fransanın paytaxtı Parisdə yaşayır və işləyir. Xanım Mirzəyeva Fransanın tarixi memarlıq şirkətlərindən biri olan “Vasconi Architectes”in vitse-prezidenti vəzifəsində çalışır. Şirkətin rəhbəri isə onun həyat yoldaşı Tomas Şinkodur.
Bu memarlıq şirkətinin əsası 1973-cü ildə qoyulub, lakin bir neçə il öncə şirkəti Tomas Şinko əldə edib. Hazırda şirkətin Parisdə, Luksemburqda, Nyu-Yorkda, Honkonqda ofisləri var və dünyanın bir çox ölkələrində memarlıq layihələri həyata keçirir.
Aytən Mirzoyeva İvanka Trampla uzun illərdir dostluq edir. O, dəfələrlə Amerikada Tramp ailəsi ilə görüşüb.

 

 

        NUH.az 





Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1488