Özünü binadan atan MTN zabitinin ölümü iş adamını necə xilas edib?
Ləğv edilmiş Milli Təhlükəsizlik Nazirliyinin intihar edən polkovnik-leytenantı Azər Əliyevin ölmədən öncə iş adamını hədələyərək ondan külli miqdarda pul tələb etməsi məlum olub. Bu barədə zərərçəkmiş şəxs kimi tanınmış iş adamı Budaqov İlqar Məhərrəm oğlu özü istintaqa ifadəsində məlumat verib.
Həbsdə olan MTN generalı Akif Çovdarovun adamı kimi tanınan Azər Əliyevin intihar səbəbi kimi də məhz onun həbs ediləcəyindən qorxduğu üçün bu yola əl atdığı göstərilirdi. Belə ki, MTN-nin yüksək vəzifəli şəxslərinin həbsi başlayarkən Azər Əliyev yaşadığı binadan özünü ataraq intihar edib.
Polkovnik intihardan öncə iş adamından nə tələb edib?
Bu haqda iş adamı İlqar Budaqov ifadəsində göstərib ki, tibbi ləvazimatları yerli firmalardan alaraq müxtəlif klinikalara satmaqla məşğul olub.
Hazırda “Vivalap” firmasının təsisçisi olan İ.Budaqov ifadəsində deyib ki, 2015-ci ilin mart ayında “Əcəmi” metrostansiyasının yaxınlığındakı ofisinə 8-9 nəfər mülki geyimli şəxslər gələrək özlərini MTN əməkdaşı kimi təqdim ediblər.
“Birinin adı Azər idi. Məhkəmə qərarı göstərərək ofisdə axtarış aparılacağını dedi. Qərarla tanış oldum. Səbail Rayon Məhkəməsinin qərarı idi. Ofisdə və maşınımda axtarış aparıldı. Ancaq heç nə götürülmədi. Azər Əliyev mənə qeyri-qanuni dərman vəsaitlərinin satışı ilə məşğul olduğumu, ölkədə botoks dərmanının satışını həyata keçirdiyimi dedi. Belə bir halın olmadığını dəfələrlə bildirdim. Azər Əliyev məni “podval”a saldıracağı, həbs edəcəyi ilə hədələməyə başladı. 30 min manat pul tələb etdi, fikirləşməyim üçün də vaxt verdi”.
İş adamı deyir ki, Azər Əliyev bir gün sonra zəng edib pulu istəyəndə ona imkanının olmadığını deyib. Bu zaman Azər Əliyev güzəşt edərək heç olmasa 10 min verməsini istəyib.
“Bununla da razılaşmadım. Telefonda mənə hədə-qorxu gələrək tutduracağını söylədi. Dedi ki, çox az vaxtın qalır, həbs ediləcəksən. Təxminən 1 həftə sonra Azər yenidən zəng elədi. Mənə “krişalık” edəcəyini deyib heç olmasa aylıq ona min manat verməyini təklif etdi. Bununla da razılaşmadım və maksimum olaraq ayda 200 manat verə biləcəyini bildirdim. Bunu da ona görə etdim ki, məndən əl çəksin” - deyə zərərçəkmiş kimi tanınan iş adamı ifadəsində deyib.
MTN zabiti iş adamına 2 ay vaxt verib və sonra ona ayda min manat verməsini tələb edib.
İ.Budaqov ifadəsinin davamına bunları əlavə edib: “Azərin bu sözündən sonra razılaşdım ki, yayda iş yoxdur. İki aydan sonra danışarıq. Söhbətimiz belə də başa çatdı. Bundan sonra Azər mənə zəng etməyib. 2015-ci ilin aprel ayında dostumun toy mərasimində olarkən təsadüfən oradakı tanışlarından Azərin intihar etdiyini eşitdim. Sonra da bu xəbəri internetdə oxuyub dəqiqləşdirdim. Sonra mənə məlum oldu ki, intihar etmiş MTN işçisi məndən hədə-qorxu ilə pul tələb edən Azər Əliyevdir”.
İş adamının zərərçəkmiş kimi tanınmasına gəlincə, o, MTN tərəfindən telefon danışıqları qanunsuz olaraq dinlənilən şəxslər sırasında olub. Və buna görə də zərərçəkmiş kimi tanınıb. İ.Budaqov onu da deyib ki, heç vaxt MTN-ə çağırılmayıb və digər MTN əməkdaşları ilə danışığı olmayıb.
Bildirək ki, MTN zabiti iş adamı ilə bu söhbətlərdən cəmi bir ay sonra intihar edib. MTN polkovnik-leytenantı Azər Əliyevin adı həbsdə olan general Akif Çovdarovun ittiham aktında hallanır. Cinayət işinin materiallarında A.Əliyev “Çovdarovun adamı” kimi tanınıb. Hətta A.Əliyev özünü Nərimanov rayonu, Həsənoğlu küçəsindəki yaşayış binasının 7-ci mərtəbəsindən atmasaydı, çox güman ki, cinayət işinə cəlb ediləcəkdi.
Qeyd edək ki, həbsdə olan general Çovdarov da istintaqa ifadəsində bu epizod üzrə dindirilib. O, intihar edən MTN zabitinin iş adamı İlqar Budaqovun ofisində axtarış aparmasından xəbərsiz olduğunu deyib.
Çovdarov MTN zabitinin intiharının səbəbi haqda bunları qeyd edib: “Azər Əliyev isə mənim bildiyim qədərilə məişət zəminində intihar edib”.
Akif Çovdarov və MTN-nin digər vəzifəli şəxsləri qulluq mövqelərindən sui-istifadə etmədə, gizli qaydada sahibkarlıq fəaliyyəti ilə məşğul olan ayrı-ayrı şəxslərin telefon danışıqlarını dinləmədə, çoxsaylı sahibkarların külli miqdarda əmlaklarını ələ keçirmədə, bu əməllərində odlu silahdan istifadə etmədə, vətəndaşlara qarşı zorakılıqda, sahibkarların və digər vəzifəli şəxslərin qanunsuz azadlıqdan məhrum edilməsində təqsirləndirilirlər.
Onu da əlavə edək ki, MTN ləğv edildikdən sonra həmin qurumun iki əməkdaşının intiharı qeydə alınıb. Azər Əliyevdən sonra MTN-nin Antiterror Mərkəzinin sabiq rəis müavini, polkovnik İlqar Əliyev də saxlanıldığı təcridxanada özünü asaraq intihar etmişdi.
NUH.az
- Sənədsiz evi olanlara şad xəbər
9 may 2024 23:29
- Rusiya sərhədçiləri Ermənistanın hansı bölgəsində qalacaq?
9 may 2024 23:20
- Alman ayaqqabısı - Daşqın Məmmədovun hekayəsi
9 may 2024 23:03
- Azərbaycanda Qələbə Günü qeyd olunur
9 may 2024 11:57
- Bakıda kanalizasiya daşdı, evlər su altında qaldı - Video
8 may 2024 16:23
- Azərbaycanda yeni idman növü yaradıldı
8 may 2024 12:50
- İşdən çıxarılan məşhur cərrah danışdı
8 may 2024 10:22
- Novruz Məmmədov vəzifəsindən azad edildi
7 may 2024 15:58
- Bakıda 41 yaşlı prokuror yol qəzasında vəfat etdi
7 may 2024 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
7 may 2024 12:14
- Sənədsiz evi olanlara şad xəbər
09 may 23:29
- Rusiya sərhədçiləri Ermənistanın hansı bölgəsində qalacaq?
09 may 23:20
- Alman ayaqqabısı - Daşqın Məmmədovun hekayəsi
09 may 23:03
- Prezidentlə xanımı Həzi Aslanovun məzarını ziyarət etdi
09 may 12:11
- Bu ölkədə ilk dəfə qadın prezident seçildi
09 may 12:06
- Azərbaycanda Qələbə Günü qeyd olunur
09 may 11:57
- Bakıda kanalizasiya daşdı, evlər su altında qaldı - Video
08 may 16:23
- Azərbaycanda yeni idman növü yaradıldı
08 may 12:50
- Prezidentlərin geniş tərkibdə görüş keçirilir (YENİLƏNİB)
08 may 12:25
- İşdən çıxarılan məşhur cərrah danışdı
08 may 10:22
- Hitlerin dağıdılmış bazasında tapılan qolları və ayaqları olmayan skeletlər arxeoloqları dəhşətə gətirdi (FOTO)
08 may 00:22
- Bolqarıstan Prezidenti Azərbaycandadır
07 may 20:42
- Putin and içdi - Video - Yenilənib
07 may 16:18
- Novruz Məmmədov vəzifəsindən azad edildi
07 may 15:58
- İlham Əliyevin Robert Fitso ilə geniş tərkibdə görüşü başlayıb
07 may 14:24
- Bakıda 41 yaşlı prokuror yol qəzasında vəfat etdi
07 may 14:18
- Allahverdi İsrafilov və qohum-əqrəbası BakI Dövlət Sirkini zəbt edib…
07 may 12:14
- Direktor cərrahı işdən çıxardı, cəzalandırıldı
07 may 11:42
- Azərbaycanı Naxçıvanla birləşdirəcək yoldan görüntülər (VİDEO)
07 may 08:55
- Füzulidə dağıntıların miqyasını görəndə çox təsirləndim - ABŞ səfiri
07 may 02:11
- Sabiq qaçaq səfirin Ramiz Mehdiyevə gizli məktubu üzə çıxdı- SENSASİON ADLAR, ŞOK TƏLƏBLƏR
07 may 01:46
- Özbəkistanda ROBOT -POLISlər ilk dəfə küçəyə patrul xidmətinə çıxıb –VİDEO
07 may 01:30
- SSRİ xəritələrinə baxın: o ərazilər Azərbaycanındır - Tomas de Vaal
07 may 01:20
- Jurnalist Afət Telmanqızından sabiq səfirə SƏRT CAVAB- Satqın sözü sənə yaraşır
07 may 00:53
- Bakıda 17 min manata pişik satılır (VİDEO)
07 may 00:41
- 500 illik zavod görün hansı sirrin üstünü açdı
07 may 00:32
- Elçin Quliyev III Çarlzla bir arada - Fotolar
07 may 00:25
- Zakir Fərəcovla Gündüz Əliyevin 3 milyonluq yeyintisi - Prezidentə və Baş Prokurora DOSYE verildi
07 may 00:10
- Alimlər 2700 ildən çox yaşı olan Assuriya məbədinin sirrini açdı
04 may 22:25
- Şəkidə 59 yaşlı kişi iki nəfəri odlu silahla qətlə yetirdi
04 may 18:31