60 yaşında bədəni onillərlə gəncləşdirən 5 hərəkət

RegionDünən, 16:33

Müasir dövrdə 60 yaş artıq yaşlılıq deyil, orta yaş dövrü hesab olunur. Bu isə o deməkdir ki, insanın qarşısında hələ bir çox aktiv və sağlam il var. Mütəxəssislər bu yaş dövründə əsas diqqətin gücün artırılmasına yönəlməli olduğunu bildirirlər.

Qaynarinfo xəbər verir ki, "Eatthis" portalının yazdığına görə, əgər siz 60 yaşınızda aşağıdakı hərəkətləri rahatlıqla edə bilirsinizsə, bu sizin əla fiziki formada olduğunuzu göstərir. 
Fizioloq və məşqçi Luk Karlson qeyd edir: "Yaş artdıqca daha çox güclü olmağa çalışmalıyıq. Aktivlik, elastiklik və hərəkətliliyin artırılması önəmlidir, lakin əsl gənclik mənbəyi güc məşqləridir".
1. Oturaq hərəkəti (prisedaniya)
Bu hərəkət bud əzələlərini, arxa ayaq əzələlərini və omba nahiyəsini gücləndirir. Məşqçi izah edir ki, bu məşq həm əzələ kütləsini artırır, həm də böyük əzələ qruplarının işləməsi ilə maddələr mübadiləsini stimullaşdırır.
Ayaq üstə düz durun, ayaqları çiyin enliliyində açın, əlləri yuxarıya doğru uzadın. Dizləri bükərək oturaq vəziyyətə keçin, döş qəfəsi dik vəziyyətdə qalsın. Budlar yerə paralel olduqda dabanlar vasitəsilə bədəni yenidən qaldırın.
2. Sinə pressi
Bu hərəkət sinə və triseps əzələlərini işləyir. Qantellərlə, trenajorda və ya əllə yerə söykənərək (push-up) etmək mümkündür.
Düz skamyanın üzərində uzanın, əllərinizdə qantelləri sinə üzərində saxlayın. Ayaqları yerdə sabit, gövdə isə gərgin vəziyyətdə olsun. Qantelləri yuxarı doğru itələyin, əllər düzələnədək. Daha sonra çəkiyə nəzarət edərək qantelləri aşağı endirin.
3. Veslo hərəkəti və ya yuxarıdan çəkmə
Bu məşq kürək və üst kürək əzələlərini gücləndirir.
Yuxarı blok trenajorunda oturun, tutacağı çiyin enliliyində üst tərəfdən tutun. Çəkmə zamanı kürəkləri geri və aşağı çəkin. Çubuğu sinənin yuxarısına qədər endirin və qısa fasilə verin. Daha sonra çubuğu yavaş-yavaş başlanğıc vəziyyətinə qaytarın.
4. Çiyin pressi
Bu məşq çiyin və triseps əzələlərinin gücünü artırır. Gantellərlə və ya trenajorda yerinə yetirilə bilər.
Ayaq üstə düz durun, hər iki əlinizdə çiyin səviyyəsində qantelləri tutun. Qantelləri baş üzərinə qaldırın, əllər tam düzələnədək. Daha sonra nəzarət altında qantelləri çiyin səviyyəsinə endirin.
5. Bel dartınması
Xroniki bel ağrılarının qarşısını almaq üçün vacib hərəkətdir, çünki bel əzələlərini gücləndirir.
Bel dartma skamyasında ayaqları sabitləyin, ombalar yastıqdan bir qədər yuxarıda olsun. Əlləri sinədə çarpazlayın və ya əlavə yük üçün qantel götürün. Bədəni yerə doğru əyin, onurğanı neytral vəziyyətdə saxlayın. Daha sonra bədəni yuxarı qaldıraraq düz xətlə başdan dabanlara qədər qalxın. Üst nöqtədə qısa fasilə verin və nəzarətlə aşağı enin.




Oxşar xəbərlər
Xəbər lenti
Sorğu
Müharibən başlamasını istəyirsinizmi?

Səs ver Nəticələr


Cəmi səslər: 1326