Rusiyanın imperiya siyasəti açıq formaya keçir

Rusiyanın Yekaterinburq şəhərində Rusiya Federal Təhlükəsizlik Xidmətinin əməkdaşları tərəfindən azərbaycanlı ailələrə basqın,heç bir müqavimət göstərməyən insanların işgəncələrə məruz qalması və vəhşicəsinə qətlə yetirilməsi şıvinizmdən qaynaqlanan və azərbaycanlılara qarşı qəsdən törədilmiş terror hadisəsidir.

Rusiya Xarici İşlər Nazirliyinin ötən ilin dekabrında AZAL-a məxsus mülki təyyarənin vurulması ilə bağlı verilən açıqlamalara bənzər absurd açıqlaması bir daha sübut edir ki, Yekaterinburqda törədilən insanlığa sığmayan bu vəhşilik Rusiya tərəfindən Azərbaycana qarşı yeridilən şovinist və ikiüzlü siyasətin tərkib 
hissəsidir.

Əvvəlcədən planlaşdırlmış bu cür anti-Azərbaycan tədbiləri Rusiyada azərbaycanlılara və digər türk, müsəlman xalqların nümayəndələrinə,qeyri-rus xalqlara qarşı aparılan şovinist, ayrı-seçkilik siyasəti əslində əsrlər boyu onun müxtəlif xalqlara qarşı həyata keçirilən və zəmanəmizin reallıq prizmasından baxdıqda bumeranq effekti verən imperiya siyasətinin daha sərt və açıq formaya keçmiş davamıdır.

Rusiyada miqrantlara,xüsusilə də azərbaycanlılara qarşı artan təzyiqlər insan haqlarının kobud şəkildə pozulması ilə yanaşı, həm də artıq sistematik xarakter almış etnik ayrı-seçkilik siyasətin qətlamlarla müşayət olunmağa başlaması, onun çox təhlükəli həddə çatdığını göstərir.Bütün bunlar ötən ilin dekabrında təyyarə qəzasından sonra Rusiyanın nümayiş etdirdiyi saymazlıq və Azərbaycan tərəfinə göstərilən təzyiqlər nəticəsində onsuz da korlanmış Rusiya-Azərbaycan münasibərlərini daha da pisləşdirir.

Azərbacan Xarici İşlər Nazirliyi Rusiya Federal Təhlükəsizlik Xidmətinin əməkdaşları tərəfindən Yekaterinburqda azərbaycanlılara qarşı törətdiyi bu cinayət hadisəsi ilə əlaqədar Rusiyaya öz etirazını bildirib və cinayətkarların cəzalandırılmasını tələb edib.Biz də törədilən bu işgəncə faktlarını, 5 nəfərin vəhşicəsinə qətlə yetirilməsini nifrət və şiddətlə pisləyirik.Azərbaycan cəmiyyətində dərin hiddət və ciddi narahatçılıq doğuran bu hadisələr əslində insanlığa qarşı cinayət kimi qiymətləndirilməlidir.Əgər Rusiya tərəfi azərbaycanlılara qarşı qanlı OMON hucumunu və qətlamı rəsmi siyasətinin tərkib hissəsi kimi sifariş əsasında həyata keçirildiyini qəbul etmirsə, onda dərhal üzr istəməli və iki ölkə arasında bağlanmış müqavilələrin və beynəlxalq hüququn verdiyi bütün imkanlardan istifadə edilərək hərtərəfli və obyektiv araşdırılmalı,qətlamın sifarışçiləri,icraçıları,bütün iştirakılıarı cinayət məsuliyyətinə cəlb olunmalı, cazalandırılmalı və açıq-aydın etnik xarakterli bu cür hadisələrin digər soydaşlarımıza münasibətdə belə dəhşətli hadisələrinn təkrarlanmasının qarşısının alınmasına nail olmaqdan ötrü təxirəsalınmaz sistemli tədbirlər görülməlidir.

Bu vəhşi qətl nəticəsində dünyasını dəyişmiş soydaşlarımızın böyük faciə yaşayan ailələrinə,yaxınlarına dərin hüznlə baş sağlığı verir,Tanrıdan rəhmət diləyirik.

Milli Məclisin deputatı,İqtisadi və Sosial İnnovasiyalar İnstitutunun rəhbəri

Əli Məsimli