- Misir Mərdanov imtahandan kəsilən müəllimlər barədə - Bu, onları cəmiyyətin gözündən salmaqdır
- Azərbaycan bu ölkələrlə ticarət əlaqələrindədir - Siyahı
- Adil Əliyevin qardaşı vəfat etdi - Foto
- Rusiya sülhməramlıları Xocalını tərk edir
- Sumqayıtın icra başçısından dəhşətli şikayət - 3 milyonluq borc...
İndiki nazirlərin çoxunu tanımıram - Elmar Məmmədyarovla müsahibə
Mədəniyyət3 may 2024 11:51
Lavrovla çox danışırıq...
Hazırda mənim üçün ən yaxşı "ölkə" Şüvəlandır...
Azərbaycanın sabiq xarici işlər naziri Elmar Məmmədyarov Modern.az saytına geniş müsahibə verib.
O, xarici siyasət, nazir postundan gedəndən sonrakı fəaliyyəti, ailəsi ilə bağlı suallarımızı cavablanıdırb.
- Elmar müəllim, müsahibə təklifimizi qəbul etdiyiniz üçün təşəkkür edirik. Uzun müddətdir ki, nazir postunu tərk etmisiniz. Hazırda nələr edirsiniz, səhhətiniz necədir?
- Hər şey əladır, idmanla məşğulam. Deyə bilərəm ki, can rahatlığıdır. Hazırda Şüvəlanda qalıram, özüm üçün gəzirəm. Kitabım üzərində çalışıram, gələn həftə çap etmək üçün danışıqlara başlayacam.
- Bəs yenidən aktiv siyasətə qayıtmağı düşünürsünüzmü?
- Əgər təklif olarsa, baxmaq olar. Olunmasa, yəqin ki, yox, düşünmərəm. Mənə hazırda nəsə təklif edilməyib. Ona görə də mən özümdən nəsə deyə bilmərəm. Pis nazir olsaydım, yəqin ki, 16 il işləməzdim. Amma indi mənə ehtiyac olarsa, peşəkarlığımdan istifadə etmək istərlərsə, təklif versinlər. Mən öz-özümə təklif verən deyiləm ki?
- Yaxın zamanda ölkədə parlament seçkiləri gözlənilir. Elmar Məmmədyarov özünü növbəti parlamentdə görürmü?
- İnanmıram ki, bu mənim üçün yaxşı fikir olar. Yəqin ki, bu, mənə görə deyil.
- Uzun zaman XİN rəhbəri olaraq çalışmısınız. Xarici işlər naziri olmaq sizin üçün necə keçdi?
- Bir gün kimi... Mən nazir təyin olunanda, düzünü deyim, gözləmirdim. Çünki mən o vaxtı İtaliyada səfir idim, ondan öncə də Amerikada yaşayırdım. Çox ölçüb, biçdim. Mənə dedilər ki, sən lazımsan. Çətin dövrdə nazir olmuşam, vaxtımın çox hissəsi Qarabağ məsələsinə gedirdi. Beynəlxalq təşkilatlarda, ölkələrdə görüşlər keçirirdim. Amma sonradan gördüm ki, bu, mənim üçün çox asandır, çünki ilk gündən bu işlə məşğul olmuşam. Bir danışıqlar ağır keçirdi. Bəzi həmkarlarla Qarabağla bağlı danışıqlar aparanda deyirdilər ki, "bizimlə niyə danışırsınız? Gücün varsa, get, götür”. Biz də getdik, götürdük.
- Bəs hazırda məsləhətləşmələr üçün Xarici İşlər Nazirliyinə dəvət olunursunuzmu?
- Getməyinə, getmirəm. Amma nazirlikdən zəng vururlar, söhbətləşirik. Bəzi səfirlər fikrimi öyrənmək istəyir, mən də deyirəm. İndi çox sevinirəm ki, Ermənistanla sülh danışıqları vasitəçisiz aparılır. Sərhəd delimitasiyası üzrə Komissiya sərhəddə görüşürsə, nazirlər də görüşə bilər. Üçüncü tərəf lazım deyil, inanıram ki, belə də olacaq. Onlar gec-tez Qarabağın müstəqilliyini tanımalı, ya da Ermənistanın bir hissəi kimi qəbul etməli idilər. Ancaq yalandan danışıqlar aparırdılar. Fransada erməni həmkarımla danışıqlar aparanda mənə dedi ki, "sən bilmirsən, bizə nə qədər təyziqlər var”. Mən də dedim ki, "Sən nahaq işini mənə deyirsən, bunu həmsədrlərə de”. Amerika, Fransa, Rusiya kimi ölkələri çətin vəziyyətə salırdılar, ortada məntiq yox idi, nəyi müzakirə edirdilər, bilmirdilər.
- XİN rəhbəri olduğunuz dövrdə sizin üçün ən çətin danışıqlar hansılar olub?
- Mənim üçün ən çətin danışıqlar həmsədrlə olub. Onlar "Madrid prinsipləri”ni ortaya atırdılar. Mətndə qeyd olunurdu ki, 7 rayon qaytarılmalıdır, məsələsəs vermə yolu ilə olacaqdı. Ermənilər deyirdilər ki, səsvermədə erməni əhali iştirak edəcək, biz də deyirdik ki, orada azərbaycanlılar da yaşayıb, onlar necə olacaq? Mənim dövrümdə çalışırdım ki, bütün dünya Azərbaycanın ərazi bütövlüyünü tanısın. Bir dəfə Uruqvayın XİN başçısı müsahibə verəndə demişdi ki, Qarabağın ilk müstəqilliyini tanıyan ölkə olacaqlar. Mən səhəri gün oturdum təyyarəyə, uçdum Uruqvaya. Üç-dörd saata yaxın mən Uruqvayın prezidenti ilə danışqlar apardım. Axırda sübut etdim ki, bu, yanlışdır. Həmin görüşə Xarici işlər nazirini çağırmadı, tək söhbət etdik.
- Sizcə, Azərbaycanın xarici siyasətində dəyişiklik etməyə ehtiyac varmı? Hazırki siyasət sizin dövrdən nə ilə fərqlənir?
- İndiki dövrdə xarici siyasətdə dəyişiklik etməyə ehtiyac yoxdur. Mən bilən, hər şey qaydasında gedir. Elə mənim dövrümdə də balanslı siyasət həyata keçirirdik. Xarici siyasəti cənab Prezident müəyyənləşdirir, XİN yerinə yetirir.
- Adətən nazirlərin çoxu hakim partiyanın - YAP-ın üzvü olur. Siz isə birtərəf idiniz, bunun hər hansı səbəbi vardı?
- Hakim partiyaya üzv olmamağımın hər hansı səbəbi yox idi. Düşünürəm ki, xarici işlər nazirinin, müdafiə nazirinin birtərəf olması lazımdır. Çünki bunlar güclü blokdur.
- XİN rəhbərləri ilə münasibətiniz necədir?
- Yavaş-yavaş aşağıya doğru getdi. Amma yazışdığım nazirlər var. Tez-tez Lavrovla, Mövlud Çavuşoğlu ilə danışırıq. Macarıstanın XİN başçısı hər dəfə mənə təbriklər göndərir, Qazaxıstanın keçmiş naziri ilə zəngləşirik. Amma bu aralar mənimlə daha çox əlaqə saxlayanlar jurnalistlərdir.
- Lavrovla axırıncı dəfə nə haqda danışmısınız?
- Lavrovla çox danışırıq, axırıncı dəfə Rusiyada terror hadisəsi olanda başsağlığı göndərdim. O da məmnuniyyətlə qəbul etdi. Biz danışmışıq ki, Moskvaya getsəm, mesaj göndərim, ən azı bir çay içək. Amma dörd ildə hələ Moskvaya getməmişəm, bu yaxınlarda bir tədbirlə bağlı getməyi planlaşdırıram.
- Bəzi mülahizələr dolaşırdı ki, siz nazir postundan gedəndən sonra ölkəni tərk etməyi planlaşdırırsınız, bəs indi necə, başqa ölkədə yaşamağı düşünürsünüzmü?
- Xeyr, düşünmürəm. Hazırda mənim üçün ən yaxşı "ölkə" Şüvəlandır (gülür...). İndi nəyə görə başqa ölkədə, şəhərdə yaşayım? İndiyə qədər 13 il Amerikada, az müddət İtaliyada, eyni zamanda nazir olanda çox ölkədə olmuşam. Ona görə də indi deyirəm ki, mənim üçün ən yaxşı yer Şüvəlandır.
- Elmar müəllim, dediyiniz kimi, qısa müddət İtaliyada səfir olaraq fəaliyyət göstərmisiniz. O illəri necə xatırlayırsınız, italyanlarla işləmək asan idi?
- İtaliyaya turist kimi getsəniz, çox gözəl ölkədir. Amma mən işləməyə getmişdim, işləmək bir az çətindir, çünki italyanlar bir az çətin xarakterlidirlər. Adamlar çox yaxşıdır və maraqlıdır. Amma onlarla işləmək çətindir. Mən orada ilk səfir idim, sonradan əlaqələri sahmana sala bildik.
- Nazir postundan gedəndən sonra dostlarınızın sayı azalıb?
- Mən uşaqlıqdan necə dostluq edirdimsə, elə də davam edirəm. Vəzifədə olan dostlarım da var. Amma indi yeni komanda yığılıb, yeni nazirlər var. Çoxların da adını heç bilmirəm. Amma əvvəldən kiminlə dostluq etmişəm, indi də davam edir.
- Diplomat üçün diplomatiya təhsili vacibdirmi?
- Xeyr, diplomat üçün diplomatiya təhsili o qədər vacib nüans deyil. Hüquqşünas, müəllim peşədir. Amma riyazatçı da diplomat ola bilər. Diplomatiyada əsas vacib olan xarizmanın olmasıdır. Çünki diplomat çox vaxt danışıqlara gedir, orada güclü xarizma nümayiş etdirməlidir. Məsələn, pandemiya zamanı mən internet üzərindən həmkarlarla danışırdım, həmin vaxt insanın necə reaksiya verdiyini bilmirdim. Ona görə də diplomatın bədən dilini bilmək lazımdır.
- Xarici İşlər Nazirliyinin (XİN) Mətbuat katibi postu uğurlu yer olaraq görünür. Belə ki, XİN-in sözçüsü postundan çoxu səfir və ya yüksək vəzifəyə təyin olunub. Siz bu postu necə görürsünüz?
- Mətbuat sözçüsü çox önəmli postdur. Bütün dünya sənə rəsmi istinad etmiş olur. Bizim XİN-də də Xəzər, Tahir, Leyla, hamısı yaxşı idi. İndi Ayxan Hacızadə də yüksək diplomatdır. Onların hər bir sözünün əhəmiyyəti var, əgər sözçü səfir gedirsə, deməli onun vaxtı çatıb.
- Bildiyiniz kimi, Qarabağ Universiteti yaradılıb. Siz orda öz təcrübələrinizi bölüşmək istərdiniz?
- Təklif gələrsə, ona baxmaq lazımdır. Dərs nə barədə olacaq, məni istəyirlərmi, bunları müzakirə etmək lazımdır.
- İranda səfirliyimizə hücumdan sonra səfir geri çağırılmışdı. İndi isə iki ölkə arasında aparılan danışıqlar nəticəsində səfirin geri qayıtması planlaşdırılır. Siz İranla diplomatik demarşı necə dəyərləndirirsiniz?
- İranda baş verən hadisə xoşagəlməz idi. İranda çox soydaşımız yaşayır. Bizim səfirimizi geri çağırmağımız da siyasi demarş idi. Amma düşünürəm ki, yaxın zamanda açılacaq. Mən isə səfirin geri çağırılmasına razı deyildim. Çünki səfiri gec-tez geri göndərirsən. Bir-iki diplomatı saxlamaq olardı.
- Fransa ilə münasibətlərə gəlincə, te-tez xəbər yayılır ki, Azərbaycanın Fransadakı səfiri Leyla Abdullayeva geri çağırıla bilər. Siz necə düşünürsünüz, belə addım atılmalıdırmı?
- Mən tərəfdarı deyiləm. Xəbər göndərdim ki, lazım deyil. Nazir olanda fikirlərimi belə açıq səsləndirmirdim, indi daha sərbəstəm.
- Elmar müəllim, ailənizlə bağlı suallara keçək. Həyat yoldaşınızla necə tanış olmusunuz?
- Biz uşaqlıqdan tanış olmuşuq. Qohumlarımız yaxın idi. Sonradan bizim aramızda məhəbbət yarandı.
- Övladlarınızın illər əvvəl Nyu-Yorkda 2 bahalı mənzil alması ilə bağlı xəbər yayılmışdı. Siz bu məsələnin şəxsi olduğunu bildirmişdiniz, əslində məsələ necə olmuşdu?
- Onu deyən şəxslər bilmir ki, Amerika bank sistemi necə işləyir. Hansı bankla əməliyyat etmişəm, yazışmaların hamısı var. Evdə bununla bağlı beş kiloqrama yaxın sənəd var, hamısını saxlayıram. Ona görə də mən rahatam. Bu, mənə qarşı kampaniya idi, özü də bilirəm ki, bunun arxasında kim dayanırdı. Amma bu böhtanların heç biri mənə dəymir, mən elə şeylərə fikir vermirəm. Mənim yazıq gəlinimi erməni eləmişdilər. Atası italyan, anası irlandiyalı, özü amerkandı. Başa düşmürdü, deyirdi ki, mənim üstümə niyə düşüblər?
Oxşar xəbərlər
- 32 yaşında Danimarkada zavod müdiri olan azərbaycanlı
11 iyun 2024 11:55
- Onlara Qarabağ Universitetində vəzifə verildi (SİYAHI)
29 may 2024 18:56
- İlham Əliyev əfv Sərəncamı imzaladı
25 may 2024 19:20
- Xaricdə oxuyan nə qədər məzunumuz geri qayıdıb? - açıqlama
18 may 2024 10:00
- Alman ayaqqabısı - Daşqın Məmmədovun hekayəsi
9 may 2024 23:03
- Sumqayıt İcra Hakimiyyətində Gündüz Əliyevlə Adil Xudadatov arasında başlanan çəkişmənin GİZLİN SƏBƏBLƏRİ
1 may 2024 16:13
- İki Avropa ölkəsi gizli şəkildə birləşməyə hazırlaşır
22 aprel 2024 10:24
- Üçüncü dünya müharibəsi İrana görə başlayacaq… İmam Əlini gördüm –İran Şahının 1973-cü ildə verdiyi MÜSAHİBƏ
14 aprel 2024 17:25
- Günəş "öləndə" nələr baş verəcək?
12 aprel 2024 21:03
- "Xoxan" Zərdüşt Əlizadə: "Prezident ola bilərdim, xalq kal, onlar isə Şeyx Nəsrullah idi" (MÜSAHİBƏ)
29 mart 2024 16:26
Xəbər lenti
- Misir Mərdanov imtahandan kəsilən müəllimlər barədə - Bu, onları cəmiyyətin gözündən salmaqdır
12 iyun 22:11
- Azərbaycan bu ölkələrlə ticarət əlaqələrindədir - Siyahı
12 iyun 17:49
- Adil Əliyevin qardaşı vəfat etdi - Foto
12 iyun 17:38
- Zamirə Hacıyeva Bakıda necə qaçırılmasından danışdı
12 iyun 13:35
- Deputatın qaldırdığı məsələ həllini tapmırsa, biz niyə bu məsələni qaldırmalıyıq?
12 iyun 12:16
- Tənzilə xanım namizəd olsa, mən seçkilərdə iştirak etməyəcəyəm
12 iyun 10:23
- Rusiya sülhməramlıları Xocalını tərk edir
11 iyun 23:04
- Bakıda məşhur klinikada BİABIRÇILIQ: Əməliyyat etdiyi qızla sevgili oldu, onunla evlənmədiyi üçün başına oyun açdı
11 iyun 14:48
- 32 yaşında Danimarkada zavod müdiri olan azərbaycanlı
11 iyun 11:55
- 7 yaşlı uşaq döyülərək öldürüldü - Dayısı saxlanıldı
11 iyun 11:43
- Abel Məhərrəmovun adı keçən torpaq qalmaqalı ilə bağlı məhkəmə niyə təxirə salınıb?
10 iyun 22:50
- İlham Əliyev Türkiyəyə getdi - Fotolar
10 iyun 22:37
- Sumqayıtın icra başçısından dəhşətli şikayət - 3 milyonluq borc...
10 iyun 22:10
- Uşaqpulu verilsin! - demək asandı, sənəd, FAKT qoyun ortaya... - YAP-çı deputatdan TƏLƏB
09 iyun 20:59
- Adamlar elə bilir jurnalist ancaq hakimiyyəti tərifləməlidir - Ədil Hüseynov
09 iyun 18:24
- Sabirabad rayonunda gənc müəllimlər üçün təlim keçirilib...
09 iyun 16:40
- Müstəqil Fələstin dövləti qurulmalıdır, paytaxtı da Şərqi Qüds... - Prezident
09 iyun 16:25
- DSX-nin 2 hərbi qulluqçusunu ildırım vuraraq öldürüb
09 iyun 13:18
- Qahirədə İlham Əliyevin rəsmi qarşılanma mərasimi olub
08 iyun 12:09
- Mən bu qanunu ziyanlı hesab edirəm və səs verməyəcəyəm
07 iyun 15:23
- Qudasına yüksək vəzifə verdi
07 iyun 11:53
- Prezident ÜTT-nin baş direktorunu qəbul etdi
06 iyun 17:53
- İş adamları -Sumqayıtın icra başçısının bizə 3 milyon manata yaxın borcu var” – ŞİKAYƏT
06 iyun 12:25
- Türkiyədə FETÖ-yə qarşı əməliyyat - 72 nəfər saxlanıldı
06 iyun 12:00
- Qalıqlar Müşfiqə aid deyil - DNT nəticələ
05 iyun 12:25
- Vaqif Hüseynov vəfat etdi
04 iyun 21:16
- QUSKA həbsdə aclığa başlayıb
04 iyun 21:06
- Mərkəzi Bankın yeni binasının xərci 637 milyona çatıb
04 iyun 20:16
- İş başında ölən zavod işçilərinin - Fotosu
04 iyun 11:41
- Bakı merinin sabiq müavini Ali Məhkəməyə müraciət etdi (FOTO)
03 iyun 19:01
Video & Fotoqalereya
Video
Fotoqalereya