Bədəninizin S.O.S siqnalı – Bu qidalarla vitamin çatışmazlığını aradan qaldırın

İnsan orqanizmi normal fəaliyyət göstərmək üçün müxtəlif vitaminlərə ehtiyac duyur. Hər hansı bir vitamin çatışmadıqda, bu, sağlamlıq problemlərinə yol aça bilər. Bəs bədəndə hansı vitaminin çatışmadığını necə bilmək və onu hansı qidalarla bərpa etmək olar?

Vitamin çatışmazlığını aradan qaldıran qidaları təqdim edirik:

A vitamini

Əlamətləri: Görmə zəifləməsi, quru dəri, zəif immunitet.

Yeyilməli olan qidalar: Yerkökü, balqabaq, ispanaq, yumurta sarısı, süd məhsulları, balıq yağı.

B qrupu vitaminləri (B1, B2, B6, B12 və s.)

Əlamətləri: Yorğunluq, əsəbilik, saç tökülməsi, dəridə problemlər, diqqət dağınıqlığı.

Yeyilməli olan qidalar: Ət, qaraciyər, yumurta, paxlalılar, çörək, süd məhsulları, balıq.

C vitamini

Əlamətləri: İmmunitetin zəifləməsi, tez-tez xəstələnmə, diş ətində qanama.

Yeyilməli olan qidalar: Portağal, limon, kivi, çiyələk, pomidor, kələm, şirin bibər.

D vitamini

Əlamətləri: Sümüklərdə zəiflik, depressiya, immun çatışmazlığı.

Yeyilməli olan qidalar: Balıq (xüsusilə somon, tuna), yumurta sarısı, süd, göbələk. Bundan əlavə, günəş şüaları da D vitamini üçün vacibdir.

E vitamini

Əlamətləri: Dərinin və saçın quruluğu, zəifləmiş əzələlər, yorğunluq.

Yeyilməli olan qidalar: Badam, fındıq, zeytun yağı, günəbaxan tumu, ispanaq.

K vitamini

Əlamətləri: Qanaxmaların tez baş verməsi, sümüklərin zəifləməsi.

Yeyilməli olan qidalar: Yaşıl yarpaqlı tərəvəzlər (ispanaq, kələm, kahı), brokkoli, qaraciyər./Yenisabah.az