Gündüz Əliyev Zakir Fərəcovla cinayət ortaqlığında: Sumqayıtı kim qarışdırır?

Sumqayıtda qəribə vəziyyət yaranıb. Qəribəliyə səbəb ölkənin üçüncü böyük şəhərinin kim tərəfindən idarə olunması ilə bağlıdır.

Məsələ belədir ki, hal hazırda Sumqayıt Şəhər İcra Hakimiyyətinin başçısı rəsmi olaraq Zakir Fərəcovdur. Lakin onun səhhətində son zamanlar yaranmış problem səbəbindən davamlı olaraq, işə gedib-gələ bilmədiyi deyilir. İddalara görə, Fərəcov xeyli müddətdir xəstəlikdən əziyyət çəkir və mütəmadi olaraq, Almaniya və ya İsraildə müalicə alır. Elə bu səbəbdən də Zakir Fərəcovun əksər rəsmi tədbirlərə qatılmadığı, işdə isə yalnız günün birinci yarısı gəldiyi deyilir.
Qeyd edək ki, Sumqayıt şəhər İcra Hakimiyyəti başçısının faktiki olaraq bir neçə müavinləri var. Müxtəlif sahələr üzrə təyinat almış müavinlər icra başçısı olmadığı təqdirdə, şəhərin idarəçiliyini həyata keçirməlidirlər. Lakin faktiki olaraq, Sumqayıtın idarəçiliyini İcra Hakimiyyətinin şöbə müdiri Gündüz Əliyev reallaşdırır. Məhz bu səbəbdəndir ki,G.Əliyev Sumqayıtda böyük biznes şəbəkəsi qurub və maliyyə maxinasiyalarına imza atıb. Onun Sumqayıt bulvarında boinq və digər əyləncə növləri olan “Gənclik” mərkəzi on min manatlarla gəlir gətirir. Eyni zamanda Korrupsiyaya Qarşı Mübarizə Baş İdarəsi apardığı araşdırmanı yekunlaşdıraraq, işlə bağlı cinayət işi qaldırıb. Həmin cinayət işində isə tikinti və təmir işlərini aparan iş adamı, həmçinin Gündüz Əliyevinb ən yaxın dostu olan Elxan Əsədovun və Gündüz Əliyevin qardaşı qızı, eyni zamanda Sumqayıt Səhiyyə Şöbəsinin baş mühasibi Gülnarə Əliyevanın adları keçir. Hər iki şəxs bir neçə gün əvvəl ittiham aktına qol çəkiblər və orada 177 min manatlıq yeyintidən bəhs olunur.
Faktik olaraq Gündüz Əliyevin əməli icra başçısını prezidentin yanında yalançı çıxartmağa xidmət edir. Digər bir tərəfdən G.Əliyev mediada icra başçısı Zakir Fərəcov haqda yazılan tənqidləri görməzdən gələrək öz təbliğatını qurmaqla məşğuldur. Bu gün Sumqayıtda ən böyük problem olan icra başçısı ilə sahibkarlar arasında qalmaqalda da Gündüz Əliyevin rolu böyükdür. Bununla bağlı redaksiyamıza üz tutan sahibkarlar deyir: “İcra başçısı Zakir Fərəcovla sahibkarlar arasındakı getdikcə daha da şiddətlənən mərəkədə daim “sinəsini qabağa verib. Milyonlarla alacaqları olan iş adamlarını həmişə öz yalanları ilə aldatmağa nail olub. Elə, “Zəmanət məktubu” qalmaqalında onun adının daha çox hallanması da, deyilənlərin daha bir sübutudur.
Elə, aldadılan sahibkarlara icra başçısının adından verdiyi yalan vədlərə görə də, günü bu günədək utanana oxşamayıb. Bu yalanlarına görə, gələcəyi olan uşaqlarına görə də, narahatçılıq keçirmir. Daha bilmək istəmir ki, onun bu yalanları, uşaqlarını cəmiyyət içində gözükölgəli edəcək həmişə. Amma vicdanı olan ata belə səhv addım atmaz, həmişə gözləri önünə öz uşaqlarının gələcək talelərini gətirərdi.
Sumqayıtın icra başçısı Zakir Fərəcovla sahibkarlar arasında uzun müddətdir davam edən borc qalmaqalında Gündüz Əliyev hansı oyunlardan çıxmayıb. Elə, bu gün də, belədir! Nə özünə, nə uşaqlarına görə, ortada narahatlığı belə yoxdur!
Yaltaqlığın və ikiüzlülüyün nəticəsidir ki, iş adamlarına birbaşa Zakir Fərəcovun özü borclu olduğu halda, “zəmanət məktubu” Sumqayıt İcra Hakimiyyətinin Yerli Özünidarətmə Orqanları ilə iş üzrə şöbənin rəhbəri Gündüz Əliyevin adına verilib. Nədən, məhz Gündüz Əliyevin adına?! Sualın cavabı çox sadə qeyd olunub: “Ona görə ki, bütün bu işlərin hamısı, məhz, ikiüzlü, yaltaq, saxtakar… şöbə müdirinin əli ilə həyata keçirilib. Eyni zamanda, Zakir Fərəcov bununla da, kimsəyə borcu olmadığı görüntüsü yaradaraq, bütün məsuliyyəti Gündüz Əliyevin üzərinə qoyub. Halbuki, bu istiqamətli pulların ayrılması və onlarla bağlı sərəncam verilməsi, Gündüz Əliyevin səlahiyyətində deyil.

Elə, Gündüz Əliyevin yalan vədlərinə görədir ki, bu ciddi məsələdən bir gün sonra nə pul ödənilib, nə də hər hansı borc bağlanılıb. Bunu görən iş adamları da, elə, notarial qaydada hazırlanmış “zəmanət məktubu”nu ləğv ediblər. Üstəlik, bütün dövlət qurumılarına müraciətlər edərək, durumun dəhşətli olduğunu çatdırıblar.

Xüsusi olaraq onu da iddia ediblər ki, törətdikləri bu qatı cinayət əməllərinə görə, Zakir Fərəcovun maxinator və talançı ortağı olan yüksək vəzifə sahibi Gündüz Əliyevin də vəziyyəti olduqca çətindir. Zakir Fərəcov və onun bu yaxın cinayət ortağı, qanunsuzluq “donu geydirtdikləri” bütün əməllərini, ölkə üçün olduqca həssas keçən bu dönəmdə belə şiddətləndirməkdən heç vaxt çəkinməyiblər. Gündüz Əliyev həyata keçirdiyi bütün korrupsiya əməllərini bacısının adına olan şirkətlər vasitəsi ilə həyata keçirib. Bu barədə, araz.az araşdırmalar aparıb və deyilənlərin həqiqət olduğunu üzə çıxarıb. Tezliklə, bu barədə geniş araşdırma yazılarını dərc etməyi lazım bilib. Doğrudan da, ortadakı faktların arxasındakı qaranlıq məqamlar, Gündüz Əliyevin son vaxtlar düşdüyü təşvişə aid çox şeylərdən xəbər verir”.