Türkiyədə qanlı döyüşlər: 5 hərbçi öldü
Türkiyənin təhlükəsizlik qüvvələrinin son həftə ərzində Şırnak, Hakkari, Diyarbəkir, Batman, Mardin və Bitlis vilayətlərində keçirdiyi antiterror əməliyyatları çərçivəsində 45 PKK terrorçusu zərərsizləşdirilib.
İstipress xəbər verir ki, bu barədə Türkiyə Hərbi Qüvvələrinin Baş Qərargahı məlumat yayıb. Məlumatda bildirilir ki, əməliyyatlar zamanı 5 hərbi qulluqçu həlak olub, daha 5 nəfər yaralanıb.
Baş Qərargahdan həmçinin bildirilib ki, 2016-cı ilin avqustundan Suriyanın şimalında 243 yaşayış məntəqəsi terrrorçulardan təmizlənib. Bununla da azad edilmiş ərazilərin sahəsi 201 kvadrat kilometrə çatıb. Hazırda El-Bab, Kabbasin və Bzaqah rayonlarının minalardan təmzilənməsi davam edir.
NUH.az