Həsən Orucoğlunun şeirləri 2
Qorusun
Həkim-nevroloq Elnur Fərəcova ithaf edirəm
Sən elin Nurusan, elin Günəşi
Adi bir sözün də məlhəmdi cana.
Günbatan ölkədən gəlib çıxmısan
Odlar yurduna – Azərbaycana.
Gəzmisən kənardan, gəzmisən gendən
Dəyirsən xəstənə sən dönə-dönə
Əyninə ağ xalat geydiyin gündən
Bütün xəstələrin çıxıb ağ günə.
Zirvədə görünür şərəfli adın
Dərdi, azarı əlin bağlasın
Xəstənin ömrünə ömür caladın
O, Uca Tanrı da səni saxlasın
O, Uca Tanrı da səni saxlasın.
Həsən Orucoğlu şair, publisist
Qarabağ müharibəsi veteranı Zəngilan rayonu