Günlərdir gözlənilən “G20” Sammiti artıq başlayıb.

“Qafqazinfo” rus KİV-nə istinadən xəbər verir ki, beş minə yaxın jurnalist dünya liderlərinin görüşünü işıqlandırmaq üçün Hamburq şəhərinə toplanıb. Ənənəvi Sammit çərçivəsində ikitərəfli və üçtərəfli görüşlər keçiriləcək.

Artıq prezidentlər Donald Tramp və Vladimir Putin, o cümlədən kansler Angela Merkel sammitdə iştirak üçün Hamburq şəhərindədirlər. 

Ötən gün sammit ərəfəsində şəhərdə polislə etirazçılar arasında toqquşmalar baş vermişdi. Nəticədə 111 polis xəsarət almışdı. Etirazlar bu səhər də davam edib. Polis su şırnağından istifadə etmək məcburiyyətində qalıb. Xeyli sayda avtomobil yandırılıb.

Bundan başqa, sammitə etiraz edən yüzlərlə nümayişçi zombi yürüşü təşkil edərək şəhərin küçələrində hərəkət ediblər.