Əli qılınclı "Yaşıl baba" kimdir ?
Mətbuatdan məlumadur ki, bir neçə gün öncə Təzəpir məscidində günorta namazı qılınan zaman iki nəfər məscidə girib.
Onlardan birinin əlində qılınc, digərinin əlində isə dini bayraq olub. Məsciddə olan şəxslər dərhal polis əməkdaşlarına məlumat veriblər.
Yasamal rayon Polis İdarəsi 26-cı Polis Bölməsinin əməkdaşları tərəfindən həmin şəxslər saxlanılıb.
Bu gün NUH.az-a daxil olan məlumata görə, əlində qılınc tutan şəxs Quba rayonunun Amsar kənd sakinidir. O, həmişə yaşıl köynək, yaşıl corab geydiyi üçün camaat ona "Yaşıl baba" deyir.
Mənbənin məlumatına görə, "Yaşıl baba" Quba-Nügədi yolundakı kiçik pirin nəzir- niyazı ilə dolanır. Arada Quba bazarında süd-qatıq və meyvə satır.
NUH.az