İŞİD-in yeni lideri açıqlandı - Fransa vətəndaşıdır
Ərəb mətbuatı İŞİD-in öldürülən eks-lideri Əbubəkr əl-Bağdadinin yerinə gələcək şəxsin adını açıqlayıb.
“Qafqazinfo” xəbər verir ki, “Əl-Ərəbiyyə” kanalı rəhbərliyə İŞİD-in Livan üzrə nümayəndəsi Cəlaləddin əl-Tunisinin gələcəyini iddia edib.
1982-ci ildə Tunisdə doğulan Cəlaləddinin əsl adı Məhəmməd Bin Saləm əl-Ayunidir. 90-cı illərdə ailəsi ilə birlikdə Fransaya sığınaraq bu ölkənin vətəndaşlığını alıb.
2011-ci ildə Tunisdə baş verən “Ərəb Baharı” zamanı oraya getmiş, daha sonra İŞİD-ə qatılmışdı.
İddia ilə bağlı hələlik İŞİD-dən açıqlama verilməyib.
NUH.az