Neft  bumunun başa çatdığı  artıq  heç kimə sirr deyil. Bunu  nəzərə alan ölkə başçısı cənab İlhma Əliyev  qeyri-neft sektorunun, aqrar sferanın inkişafını öz çıxışlarında dönə-dönə vurğulayır  və aqrar sahənin inkişafına xüsusi önəm verir, fermerlərin fəaliyyətini dəstəkləyir.

Prezident  avqustun 4-də Qaxda keçirilən barama, tütün və fındıq istehsalının inkişafı məsələlərinə dair respublika müşavirəsində fındıqçılığın ölkə iqtisadiyyatı üçün xüsusi önəmi olduğunu bildirib: “ Fındıqçılıq son illər ərzində Azərbaycanda inkişaf edib. 2000-ci ildə Azərbaycanda fındıq bağlarının sahəsi 18 min hektar idi, 2013-cü ildə bu, 30 min hektara, 2015-ci ildə 32 min 700 hektara çatıb. Hazırda 55 min hektarda fındıq bağları salınıb. Bu da onun nəticəsidir ki, DÖVLƏT  bu sahənin də inkişafını öz üzərinə götürüb.».

Dövlət başçısı öz çıxışında onu da qeyd edib ki, Azərbaycan 25 ölkəyə fındıq ixrac edir: “ Keçən il fındıq satışından ölkəyə 105 milyon dollar valyuta gəlib. Fındığın dünya üzrə qiyməti  hazırda bizim pulla 10 manatdır».

Görəsən, bəzi  tədarükçülər, daha doğrusu, fındıq dəllalları əhalinin zülmlə yetişdirdiyi  fındığın kilosunu nə üçün onlardan 2 manata, ən yaxşı halda 2 manat 20 qəpiyə alırlar?

Axı, keçən il  fındığı  əhalidən 5 manata alıblar. Nə baş verib ki, dünyada kilosu 10 manat olan məhsulu 2 manata, yəni 5 dəfə ucuz qiymətə ahalidən alırlar?

NUH.az-a müraciət edən Balakən fındıqçıları ölkə başçısından xahiş edir ki, bu problemi diqqət mərkəzində saxlasın.

                        NUH.az