Sahil stansiyası nə üçün 1 il müddətinə təmirə dayandı? ŞOK
Bakının ən çox istifadə edilən metro stansiyalarından biri olan Sahil stansiyasının 1 il müddətinə təmirə dayanmasının yüz minlərlə şəhər sakininə ciddi problem yaradacağı bəllidir. Stansiyanın bağlanması onsuz da “xroniki probka”ya yoluxmuş paytaxtımız üçün əlavə problemlər yaradacaq. Bütün bunlar öz yerində. Amma stansiyanın 1 il, bəlkə də daha artıq müddətə təmirə dayanması istər-istəməz müəyyən suallar doğurur.
Şəhər sakinləri bilir ki, bugünədək müxtəlif metro satansiyaları qısa müddətli ( 5-10 gün, lap 1 ay ) təmirə dayanması olub. Ancaq stansiyanın 1 il müddətinə təmirə dayanmasının ciddi səbəbi olmalıdır.
NUH.az-a daxil olan məlumata görə, Sahil stansiyasının düz üstündə tikilən yüksəkmərtəbəli Sahil-İnci binası stansıya üçün ciddi prpoblemlər yaradıb. Və bu səbəbdən də stansiya uzunmüddətli təmirə dayanmağa məcbur olub.
Mənbənin məlumatına görə stansiyanın düz üstündə tikilən göydələnin ciddi prpoblemlər yaradacağı əvvəlcədən bəlli olsa da bəzi məmurların təzyiqindən sonra tikintiyə icazə verilib. Və hətta Metropolitenin rəisi Tağı Əhmədov həmin binada 4 otaqlı mənzillə mükafatlandırılıb. Ümumiyyətlə, bu binanın ekspertizası, təhlükə risqi nəzərə alınıbmı? Buna görə məsuliyyəti kim(lər) üzərinə götürüb?
Bütün bu suallara obyektiv cavab tapmaq üçün qarşı tərəfin mövqeyini işıqlandırmağa hazırıq.
NUH.az