Vətəndaş DYP ilə bağlı nazir Ramil Usubova müraciət etdi
Zəngilan rayonundan olan və hazırda Sabunçu rayonu Ramana qəsəbəsində kirayədə qalan məcburi köçkün Kamil Məhərrəmov redaksiyamıza müraciət edərək bildirdi ki, özünə məxsus avtomobillə yük daşıyaraq çətinliklə olsa da ailə üzvlərini dolandırır.
K.Məhərrəmovun sözlərinə görə, bu gün, yəni 06.09.2017-ci il tarixdə saat 07-40 radələrində Aeroport yolunda Binə atçılığın yanında Bakı şəhər DYP-ə məxsus 471 saylı polis maşınında olan DYP əməkdaşları onu qanunsuz olaraq saxlayıb və sənədlərini alaraq qaytarmayıblar. DYP əməkdaşları ona gözləməsini desələr də sonradan çıxıb gediblər.
K.Məhərrəmov əməkdaşımıza bildirib ki, neçə illərdir ki, ölkədə keçirilən prezident seçkilərində yaxından iştirak edib, ölkə başçısının siyasətinə dəstək verib və öz imkanları hesabına təmənnasız təbliğat aparıb. Və ümid edir ki, ölkə başçısı da bir vətəndaş olaraq onun pozulmuş hüquqlarını qorumalıdır.
Sonda K.Məhərrəmov cənab daxili işlər naziri Ramil Usubovdan xahiş edir ki, DYP əməkdaşlarının qanunsuz əməllərinə və məsuliyyətsizliyinə son qoyulsun.
NUH.az