Qarabağ qazisi Qorxmaz Hüseynovdan kömək istəyir
Suraxanı rayonu, Yeni Suraxanı qəsəbəsi, Vahid Xəlilov küçəsi döngə 2 a, ev 1 ünvanda ( telefon: 050-963-85-85 ) yaşayan Qarabağ müharibəsi veteranı, qazi Tağıyev Fikrət Tofiq oğlunun “Azərsu” ASC-nin rəhbəri Qorxmaz Hüseynova ünvanladığı müraciəti NUH.az saytına daxil olub. Müraciəti olduğu kimi dərc edirik:
Cənab Qorxmaz Hüseynov!
Mən Qarabağ müharibəsi iştirakçısıyam. 17 ildir ailəmlə birgə Yeni Suraxanı qəsəbəsində yaşayıram. Dəfələrlə “Azərsu” ASC-nin Suraxanı Rayon Sukanal İdarəsinə müraciət etsəm də mənim evimə su çəkilmir. Maşınla su almağa məcburam. Mən müharibə veteranı olaraq dövlətdən 50 manat pul alıram. Bu pulla necə su alım ?
Bu barədə dəfələrlə Suraxanı RİH-nin başçısı İlqar Abbasovun qəbulunda olmuşam. Başçı Suraxanı Sukanal idarəsinə mənə kömək üçün tapşırıq verib.
Ancaq yaşadığım ünvana su kodu vermək və su sayğacı quraşdırmaq üçün idarənin Mehman adı rəis müavini və qəza xidmətinin Murad adlı rəisi məndən 500 manat pul istəyir.
Mehman mənə deyir ki, hara istəyirsən şikayət elə, heç kimdən qorxum yoxdur.
Cənab Hüseynov!
Sizdən xahiş edirəm məsələni öz nəzarətinizə götürəsiniz. Əks təqdirdə məcburam ölkə rəhbərliyinə, Korrupsiyaya qarşı mübarizə idarəsinə müraciət edim.
NUH.az