EMİLAND şirkəti ŞALVAR tikir, yoxsa BİNA ?
“Emiland” kişi kostyumları tikən şirkətlə bağlı NUH.az-a daxil olan məlumat təəccübümüzə səbəb oldu.
Daxil olan məlumatdan bəlli olur ki, şirkət həm də tikinti biznesi ilə məşğul olur. Daha dəqiq desək “Emiland” şirkətinin sahibi Hikmət Hüseynov ETO HOUSE MTK tikinti şirkətinin sahiblərindən biridir. MTK hazirda Bakı şəhəri, Nəsimi rayonu, Qulu Quliyev , C.Hacibəyli və M.Qaşhqay küçələrinin kəsişməsində çoxmərtəbəli yaşayış binası inşa edir.
Sözün düzü, şalvar tikən şirkətin həm də bina tikməsi marağımıza səbəb oldu.
Emiland şirkəti ilə bağlı media üzərindən apardığımız araşdırma zamanı bəlli oldu ki, şirkətin əmək müqaviləsi olmadan işçiləri uzun müddət istismar etməsi, vergidən yayınması və keçmiş MTN şefi Eldar Mahmudovla isti əlaqələri barədə mediada xeyli yazılıb və yazılanlar şirkət tərəfindən təkzib olunmayıb.
Keçmişdə qalan bu məlumatlarla bağlı bəlkə də barışmaq olardı. Ancaq Hikmət Hüseynovun ETO MTK-sı bugün də öz neqativ əməllərindən qalmır. Tikdiyi göydələn ətrafda yaşayanlar üçün əsl problemə çevrilib, ətrafdakı küçələri bərbad vəziyyətə salıb. Görünür Hikmət Hüseynov ölkə başçısı cənab İlham Əliyevin sahibkarlara verdiyi tövsiyyəni unudur. Cənab prezident dəfələrlə bildirib ki, inşaat şirkətləri tikinti aparılan ərazidə abadlıq və yaşıllaşdırma işləri aparmalı, sakinlərə problem yaratmamalıdır. Görünür, Hikmət Hüseynov şalvar tikməklə bina tikməyi səhv salıb.
Məlumat üçün onu da qeyd edək ki, ETO adındakı “T” hərfi keçmiş vergi işçisi və Hikmət Hüseynovun qohumu T-eymur müəllimin adının baş hərfidir.
Qarşı tərəfin fikirini öyrənmək üçün “Emiland” şirkətinin saytındakı telefona zəng etsək də cavab verən olmadı.
NUH.az