Qaynarinfo xəbər verir ki, bu barədə "Bakı Metropoliteni" QSC-nin baş mühəndisi Əlixan Osmanov açıqlama verib.

Qurum rəsmisi bildirib ki, hazırda Bakı metrosu MDB-də ən ucuz metrodur: "Sərnişinlərin daşınmasından əldə olunan gəlir xərcin yalnız 60%-ni qarşılayır. Bununla belə, qiymət artımı gözlənilmir".

Əlixan Osmanovun sözlərinə görə, Bakı metrosunda nəzərdə tutulan 76 stansiyasının tikintisi başa çatdırandan sonra diferensial ödəniş sistemi tətbiq oluna bilər: "Bu gün "Bakı Metropoliteni" uzaqmənzilli deyil. Nəzərdə tutduğumuz 76 stansiyanın hamısı istismara veriləndən sonra diferensial tarif sisteminin tətbiqi rahat olacaq. Bu gün həmin sistem əhəmiyyətsizdir".