Xannı Rüstəmovla bağlı Zakir Fərəcova suallar ...
Bir neçə gündür Sumqayıt Şəhər İcra Hakimiyyətinin başçısı cənab Zakir Fərəcovun yanında “Sumqayıt Nəqliyyat” MMC-nin rəisi Xannı Rüstəmovun yoxa çıxması ilə bağlı xəbər az qala ölkə mediasını zəbt edib.
Xəbərdən məlum olur ki, Xannı Rüstəmov vəzifə səlahiyyətlərindən sui istifadə edərək, şəhər ərazisində fəaliyyət göstərən marşrut xətlərindən qanunsuz vergi toplayaraq KÜLLİ MİQDARDA vəsaiti ələ keçirib və…sonda yoxa çıxıb.
Məlumat üçün qeyd edək ki, yayılan məlumatlarda Xannı Rüstəmovun Zakir Fərəcovun bacısının həyat yoldaşı olduğu deyilir. İnternet resurslarında “Sumqayıt Nəqliyyat” MMC ilə bağlı tirajlanan məlumatlarda da Xannı Rüstəmov icra başçısının yeznəsi kimi təqdim edilir.
Onu da qeyd edək ki, Zakir Fərəcov 2015-ci ilin sentyabrında Sumqayıta icra başçısı təyin edilib. Cəmi bir ay sonar, yəni oktyabr ayında “Sumqayıt Nəqliyyat” MMC yaradılıb ( özü də icra başçısının yanında !! ) və Xannı Rüstəmov qurumun rəhbərliyinə gətirlib.
Görükən kəndə nə bələdçi ?
Deməli, Xannı Rüstəmov cənab Zakir Fərəcovun nəinki yeznəsi, həm də öz “biznes layihə”sidir.
Xannı Rüstəmovun uzun müddət Sumqayıtda torpaqlarımız uğrunda canlarını qurban verən müharibə əlillərinə qarşı xüsusi qəddarlığı ilə fərqlənib, onlara məxsus marşrut xətləri onlardan zorla alınıb. Hansı ki müharibə əlilləri marşrut xəttinə görə hər ay Xannı Rüqstəmova ayda 4000 manat rüşvət ödəyiblər. Bu cinayət əməli bir neçə il davam edib.
İndi ortaya xeyli suallar çıxır:
Birincisi, pul məsələsində qazdan ayıq olan Zakir Fərəcəov KÜLLİ MİQDAR-da puldan xəbərsiz olub ?
İkincisi, Zalir Fərəcov nə üçün uzun illər bu məsələyə göz yumub?
Üçüncüsü, Xannı Rüstəmov necə yoxa çıxıb ?
Bəlkə Xannı Rüstəmov qeybə çəkilib ?
Dördüncüsü, Xannı Rüstəmovun qanunsuz topladığı KÜLLİ MİQDARDA pul bəlkə Sumqayıtın abadlıq-quruculuq işlərinə sərf olunub ?
Beşincisi, xəbərə görə, Zakir Fərəcov Xannı Rüstəmovu vəzifəsindən azad edib və onun əməlləri barədə hüquq-mühafizə orqanlarına məlumat verməyib. Nə üçün ?
Ümumiyyətlə, Zakir Fərəcovun Sumqayıtın abadlıq və quruculuq işləri adı altında əməlləri hüquq mühafizə orqanları tərəfindən ciddi araşdırılmalıdır.
P.S. Prezident sonuncu çıxışında qeyd edib ki, bizə belə abadlıq lazım deyil.
NUH.az-ın Baş redaktoru Kamran Məhərrəmli