Faydalı səhər vərdişləri günün sonuna qədər xoş əhval-ruhiyyədə qalmağa şərait yaradır, çəkini normal saxlamağa kömək edir və bədəndəki artıq yağların itirilməsini sürətləndirir. 

Moderator.az  İsrail mediasına istinadla xəbər verir ki,  mütəxəssislər arıqlamağı sürətləndirən, sağlamlığı möhkəmləndirən üç ən yaxşı  səhər ritualını müəyyən ediblər.

Tibb alimləri səhər oyandıqdan sonra təzə sıxılmış limon şirəsi və az miqdarda təmiz bal ilə qarışdırılmış bir stəkan ilıq su içməyi məsləhət görürlər. Gününüzü bununla başlama vərdişi maddələr mübadiləsini sürətləndirir, bədəni toksinlərdən təmizləyir, bağırsaqların vəziyyətini yaxşılaşdırır. 

Protein və dənəli taxıl məhsullarıyla zəngin olan bir səhər yeməyi iştahı və şirniyyatlara can atmağı azaltmaqla kilo itkisini sürətləndirməyə yardım edir.

Arıqlamağa çalışan insanlar üçün səhər məşqləri optimal nəticələr əldə etməyə dəstək ola bilər. “EbioMedicine”-da təqdim edilən  bir araşdırmada insan bədənində ən güclü yağ yandırmanın səhər yeməyindən əvvəl edilən məşqlər zamanı meydana gəldiyini göstərilib.