Qaynarinfo Axios-a istinadla xəbər verir ki, bunu Maunt-Sina İkana Tibb Məktəbinin reproduktiv epidemioloqu Şanna Svon deyib.

Şanna xanım yaxınlaşmaqda olan nəsilartırma böhranının iqlim böhranı ilə müqayisə edilə bilən qlobal bir təhlükə yaratdığına əmindir. Mütəxəssis "insan reproduktiv sisteminin mövcud vəziyyəti bəşəriyyətin sağ qalmasına təhlükə yaratmadan daha uzun müddət davam edə bilməz".

Svon Qərb dünyasında kişilərdə spermatozoidlərin sayının 1973-2011-ci illər arasında 59% azaldığını göstərən son bir araşdırmanın nəticələrinə istinad edir. Reproduktiv mütəxəssislərin proqnozlarına görə, bu gedişlə kişilərdə orta spermatozoidlərin sayı 2045-ci ildə sıfıra çatmalıdır.

Mütəxəssis müasir həyatın spermatozoidlərin sayını təhdid etdiyini vurğulayır: düzgün olmayan həyat tərzi və kimyəvi maddələrə məruz qalma bizi təhlükəylə qarşı-qarşıya qoyur. O zərərli maddələr isə hər yerdədir - endokrin sistemə təsir edən plastiklərdə, kosmetik və pestisidlərdə. Onların içərisindəki ftalat və bisfenol-A isə insanın cinsi inkişafını və nəsilartırmasını təhdid edir. Bundan əlavə, tütün, marixuana və artan piylənmə "kişilərin" sterilizasiyasında daha bir mənfi rol oynayır.